| e-texts navigator |
| Wylie |
131b1 བཅིངས།། གཟུངས་ཟག་རྣ་བཞི་ཕྱོགས་བཞིར་གདགས།། ཙན་དན་ཤིང་གིས་ཁ་བརྒྱན་ལ།། དབུས་སུ་རྨ་བྱའི་རྒྱལ་མཚན་གཟུགས།། འབྲང་རྒྱས་གྲུ་བཞི་རྒྱས་པ་ལ།། དབུས་ཀྱི་ཚེ་ནི་ཟླུམ་པོར་བྱ།། མར་གྱིས
131b2 ལེགས་པར་བྱུགས་བྱས་ལ།། རྩེ་མོར་རྣམ་པར་རྒྱལ་བར་གཟུགས།། འདུ་བ་རྣམ་བཞིའི་ན་ད་སེལ་ལོ།། དེ་ཏིང་རྨ་བྱའི་རྒྱལ་མཚན་གཟུགས། འབྱུང་པོ་གདོན་བགེགས་ཞི་བར་བྱེད།། དེའི་གཏིང་མེ་ལོང་རྒྱལ
131b3 མཚན་གདགས།། ཡེ་ཤེས་ཀུན་ཏུ་གསལ་བའི་རྟགས།། དེ་ནི་དབུས་ཀྱི་ཕོ་བྲང་ངོ་།། ཕྱོགས་བཞི་རིན་ཆེན་འཁོར་ལོ་ལ།། རིན་ཆེན་བུམ་པ་བཞི་བཀོད་དེ།། བགེགས་བསྐྲད་བྱིན་བརླབས་བྱས་ནས་ནི།། བུམ་པའི་ཡོ
131b4 བྱད་བླུགས་པར་བྱ།། ཁ་རྒྱན་མགུལ་ཆིངས་གོང་བཞིན་བྱ། རང་རང་ལྷ་ཡི་སྔགས་ཀྱིས་མཚན།། དེ་ནས་ཚེ་ཡི་སྙིང་པོ་ནི།། འབྲུ་བཅུད་འདི་དག་རྟག་པར་བཟླས།། ཨོཾ་ཚེ་ཀུ་རུ་ཛྙཱ་ན་པཉྩ་བཛྲ་སཏྭ་ཧཱུཾ། རྟག་པར་ཟློས
131b5 ན་དངོས་གྲུབ་འབྱུང་།། རྡོ་རྗེ་སེམས་དཔའི་ཚེ་དང་ལྡན།། ཨོཾ་ཚེ་ཀུ་རུ་ཛྙཱ་ན་པཉྩ་རཏྣ་མཱ་ལེ་ཏྲེ། ཨོཾ་ཚེ་ཀུ་རུ་ཛྙཱ་ན་པཉྩ་པདྨ་དྷ་ར་དྷཱི། ཨོཾ་ཚ་ཀུ་རུ་ཛྙཱ་ན་པཉྩ་ས་མན་དྷ་ར་ཧ། ཞེས་ལྷ་མོ་སོ་སོའི་བསྙེན་པ་དབུལ་ལོ།། དེ
131b6 ནས་ས་མ་ཏི་བསྐུལ་བ་འདི་སྐད་དོ།། ཧཱུཾ་བཅོམ་ལྡན་མགོན་པོ་ཡེ་ཤེས་ཚེ་དཔག་མེད།། ཐུགས་རྗེ་ཡོན་ཏན་སྐུ་མཆོག་བསམ་མི་ཁྱབ།། སྐུ་མདོག་དཀར་ལ་གངས་རི་འཚེར་བ་འདྲ།། རིན་ཆེན་རྒྱན་དང་དོ་ཤལ་སེ་མོ
iiif viewer powered by OpenSeadragon
