| e-texts navigator |
| Wylie |
12b1 པ་མ་སྤངས་མ་སྤྱོད་ལ།། སྣ་ཚོགས་སྣང་སྟེ་ཞེན་པ་མེད།། སྒོམ་མེད་དོན་ལ་བློ་གཞག་མེད།། རང་བྱུང་རྟོག་མེད་མཉམ་ཉིད་ལ།། ཞེན་པའི་སྒྲོ་སྐུར་ངང་གིས་མེད།། འཛིན་སེམས་དག་གིས་ལྕགས་དཀྲོལ་དང་།། བློ
12b2 བཞག་བསྒོམ་པས་བཅིངས་དང་འདྲ།། སེམས་ཉིད་ཟང་ཐལ་མ་ཕྱུང་ལ།། རང་བྱུང་ཡེ་ཤེས་མཉམ་ཉིད་ཐུགས།། བཅོས་མེད་རྩོལ་བྲལ་བྱུང་ལ།། རྣམ་རྟོག་འཛིན་པ་ཅི་བྱུང་ཡང་།། རང་བཞག་བསམ་བྲལ་ཉིད་དུ
12b3 བདེ།། རྣམ་པར་རྟོག་པའི་རྒྱུ་བ་བྲལ།། དུས་གསུམ་རྒྱུན་ཆད་མེད་པར་གནས།། འབབ་ཆུ་རྒྱུན་གྱི་དཔེ་དང་འདྲ།། དེ་ཉིད་རྟོགས་པའི་དོན་ལྡན་ན།། བསམ་བྲལ་རང་གནས་དགོངས་པར་གནས།། སྙིང་པོ་མཉམ
12b4 ཉིད་ངོ་བོ་ཉིད།། དབང་སྒྱུར་རྒྱལ་པོའི་ཐུགས་དང་མཉམ།། འདོད་པའི་ཚོགས་ལ་ཡིད་མི་འཇུག། རྫོགས་པའི་དགོངས་པ་རྣམ་དག་ལ།། དུས་གསུམ་བླང་དོར་མེད་པར་བསམ།། འཛིན་མེད་ཏིང་འཛིན་སྐྱོན་ལས
12b5 གྲོལ།། མ་གཡོས་མ་བཅོས་ཉིད་དུ་བདེ།། སྣང་བ་མེད་པའི་ཆོས་ཉིད་ནི།། མ་བཙལ་རང་བཟོ་ཉིད་དུ་བདེ།། བརྗོད་དུ་མེད་པའི་ཆོས་ཉིད་ནི།། སྒྲ་ཚིག་ཞེན་པའི་ཡུལ་ལས་འདས།། ཞེས་གསུངས་སོ།། ཡེ་ཤེས
12b6 འཁོར་ལོ་གསང་བའི་རྒྱུད་ལས།། ཏིང་ངེ་འཛིན་གྱི་ལེའུ་སྟེ་ལྔ་པའོ།། །། དེ་ནས་རིག་པའི་རྒྱལ་པོ་ཡིས།། རྣམ་དག་ཞེན་མེད་ཀྱི་སྤྱོད་པ་འདི་གསུངས་སོ།། ནམ་མཁའ་རྡོ་རྗེའི་སྤྱོད་པ་འདི།། སྤྱད་བཞིན་མ
iiif viewer powered by OpenSeadragon
