| e-texts navigator |
| Wylie |
12a1 སོ།། མཉམ་མེད་རྣམ་དག་རྡ་ལ་བའི་ཀློང་།། ནམ་མཁའ་ཡེ་ཤེས་ལྷུན་གྱིས་གྲུབ།། རང་བྱུང་ཡུལ་མ་རྟོགས་པ་ཡིས།། གཞན་ནས་འབྱུང་བའོ།། ཆོས་མ་ཡིན།། དངོས་གྲུབ་པ་དེ་བ་རང་ལས་བྱུང་།། ཡེ
12a2 ཤེས་ཇི་བཞིན་གནས་པ་ལ།། རྩོལ་བའི་རྒྱུ་འབྲས་སྤྱད་དུ་མེད།། རིམ་རྩོལ་བློ་ཡི་ཐེག་པ་རྣམས།། དྲང་བའི་དོན་དུ་བཤད་པ་ཡིན།། ཞེས་རྟོག་བློ་ཡིས་གཡོས་གྱུར་ན།། རང་བྱུང་ངོ་བོ་གཡོ་བ་མེད།། དབྱེ་གསལ
12a3 མེད་པས་ལྟ་བའི་མཆོག། རྒྱུ་འབྲས་འདས་པའི་ངོ་བོ་ཡིན།། གདོད་ནས་རྣམ་པར་བྱ་མི་དགོས།། སྐྱོན་མེད་པདྨ་རང་བྱུང་དང་།། མ་འགགས་ཞེན་མེད་རྫོགས་པ་ཆེ།། རྩོལ་མེད་རང་བྱུང་ལུང་གིས་ནི།། ཐམས་ཅད་ངོ
12a4 པོ་གཏན་ལ་འབེབས།། དེས་ན་རྩོམ་མེད་སེམས་ཀྱི་ལུང་།། དོན་དང་མི་ལྡན་སྒྲ་ཚིག་ནི།། ནེ་ཙོ་མི་སྨྲ་ཆོས་བཤད་འདྲ།། དེས་ན་ལུང་ལྡན་བླ་མའི་ཆོས།། སྙིང་པོ་དོན་གྱི་ངོ་བོ་སྟོན།། སྒྲ་ཚིག་ཞེན་པའི་ཡུལ་ལས
12a5 འདས།། རང་བྱུང་རྟོགས་པའི་དོན་ལྡན་པས།། ཡིད་ཆེས་ཤེས་པའི་མཚན་ཉིད་དོ།། མིན་པ་ང་ཡི་བཀའ་དང་མཐུན།། ཞེས་གསུངས་སོ།། ཡེ་ཤེས་འཁོར་ལོ་གསང་བའི་རྒྱུད་ལས།། ལྟ་བའི་ལེའུ་སྟེ་བཞི
12a6 པའོ།། །། དེ་ནས་རིག་པའི་རྒྱལ་པོ་ཡིས།། རྡོ་རྗེ་སེམས་དཔའ་ལ་ཏིང་ངེ་འཛིན་རང་གནས་ཀྱི་དོན་འདི་གསུངས་སོ།། རྩོལ་མེད་རང་སྣང་མ་བཅོས་པ།། ཡེ་ཤེས་ལྷུན་གྲུབ་རང་བཞིན་གནས།། དགོངས
iiif viewer powered by OpenSeadragon
