| e-texts navigator |
| Wylie |
128b1 དོན་ལ་རྩོད་པ་དང་།། ལམ་གྱི་ཆོས་ལ་རྩོད་པའོ།། རྫོགས་པ་ཆེན་པོའི་རྩོད་པ་འདི་གཞི་ཆོས་ཉིད་ཐིག་ལེ་ཉག་གཅིག་ཏུ་དམ་བཅའ།། གཏན་ཚིགས་ཅི་ཡི་ཕྱིར་ཞེ་ན།། གཉིས་སྣང་མེད་པའི་ཕྱིར་ཞེས་བྱ།། གཉིས་སུ
128b2 སྣང་བའི་སྐྱོན་གཏོང་ལ།། ཁྱོད་རང་ལ་གཉིས་སུ་སྣང་ངམ།། ང་ཡི་གྲུབ་མཐའ་ལ་སྐྱོན་གཏོང་།། ང་ལ་སྐྱོན་གཏོང་ན།། རིག་པས་གཏོང་ངམ།། ཚད་མའི་གཞལ་བྱས་གཏོང་།། རིག་པས་གཏོང་ན།། ཆོས་ཉིད་ཀྱི
128b3 རིག་པས་གཏོང་ངམ།། འཐད་པ་སྒྲུབ་པའི་རིག་པས་གཏོང་ངམ།། བྱ་བ་བྱེད་པའི་རིག་པས་གཏོང་ངམ།། ལྟོས་པའི་རིག་པས་གཏོང་།། ཆོས་ཉིད་ཀྱི་རིག་པས་གཏོང་ཟེར་ན།། ཆོས་དང་ཆོས་ཉིད་རིག་པ་གསུམ་དུ
128b4 འདོད་དམ།། གཅིག་ཏུ་འདོད་དམ།། ཞེས་པར་འབྲིའི།། རིག་པའི་རྒྱབ་གནོན་པར་ལ་བྱའོ།། གསུམ་དུ་འདོད་ན།། རིག་པ་ལས་ཆོས་བྱུང་ངམ།། ཆོས་ལས་རིག་པ་བྱུང་།། ཉིད་ལས་རིག་པ་དང་ཆོས་བྱུང་།། དེ
128b5 གསུམ་ཁྱོད་རང་ཡིན་ནམ་ལོགས་པ་ཡིན།། ཞེས་འདྲི་སྟེ། གང་ཡང་ཁས་མི་ལེན་ན།། གོང་དུ་མ་བཅས།། སྭཱ་ཧ། ཆོས་ལས་རིག་པ་བྱུང་ཟེར་ན་རྒྱ་ཆད་པ་དང་།། ཡུལ་ལས་རིག་པ་བྱུང་བའི་སྐྱོན།། འགལ་ལོ་ཉིད
128b6 ལས་རིག་པ་བྱུང་ཟེར་ན།། རྒྱ་ཆད་པའི་སྐྱོན་བཏང་ངོ་།། ཅི་སྟེ་ཟེར་ན། ཉིད་ཀྱི་གོ་བ་འདྲིའོ།། ཉིད་ལ་རྒྱུ་རྐྱེན་ཡོད་ནས་བྱུང་ངམ་མེད་ན་བྱུང་འདྲིའོ།། རྒྱུ་རྐྱེན་ཡོད་ན་ཉིད་མ་ཡིན་པའི་སྐྱོན་འབྱུང་ངོ་།། རྒྱུ་རྐྱེན་མེད་ན
iiif viewer powered by OpenSeadragon
