| e-texts navigator |
| Wylie |
128a1 སངས་ཏེ་འོང་བའི་རྟགས། དེ་ནས་འདག་པ་ལ་སྒོར་པོར་བཏབ་པའམ། སྤོས་དང་སྤོས་རྒྱ་ལྟ་བུ་འོང་སྟེ། ཡེ་ཤེས་འཆར་བའི་རྟགས།། འགྲུ་བ་དེ་ལ་འཁོར་ལོ་མ་བསྐོར་ཀྱང་འོད་གསལ་སྐམ་དུ་ཞུགས
128a2 པ་ནི། འོད་གསལ་ལམ་དུ་ཆུད་ནས་བརྟན་པ་ཐོབ་པའོ།། བཀྲག་ཤེས་མདངས་གསལ་རིག་པ་ཁོང་ནས་གྲོལ།། སྐྲན་དང་ནད་ཀྱང་འབྱང་བར་བྱེད་པའི་གདམས་པ་འདི།། རྣལ་འབྱོར་ཉམས་སུ་ལེན་པ་འགའ
128a3 རྣམས་ལ།། བླ་མ་དམ་པའི་རྐྱེན་དུ་ཤར་ནས་ཀྱང་།། མྱུར་དུ་གདམས་པ་འདི་དང་ཕྲད་པར་ཤོག། ཅེས་གསུངས་སོ།། འཇམ་དཔལ་བཤེས་གཉེན་རྗེས་སུ་ཡི་རང་བའི་ལེའུ་སྟེ་བཅུ་གཅིག་པའོ།། །། ཨ་ཏི
128a4 རྫོགས་པ་གསང་བ་སྤྱི་གཅོད་ཀྱི་རྒྱུད་ལས། ཉམས་ཀྱི་གདམས་ངག་ལྷུག་པ་རིན་པོ་ཆེ་སྒྲོན་མེ་ཞེས་བྱ་བ་ཨ་ཏི་སྤྱི་རྒྱུད་དེ་རྫོགས་སོ།། །། @#།། རྒྱ་གར་སྐད་དུ། བེ་ཧྭཱ་ཏེ་ཙཀྲ་ཏནྟ།
128a5 བོད་སྐད་དུ། རྩོད་པའི་འཁོར་ལོའི་རྒྱུད། བཅོམ་ལྡན་འདས་རོ་ལངས་བདེ་བ་ལ་ཕྱག་འཚལ་ལོ།། རིན་པོ་ཆེ་རྩོད་པ་སྒྲའི་འཁོར་ལོ།། འཇམ་དཔལ་བཤེས་གཉེན་ལ་བཤད་པ།། གནས་ནི་བྱང་ཆུབ་ཤིང་དྲུང
128a6 དུ།། སྟོན་པ་དགའ་རབ་རྡོ་རྗེ་ཡིས།། འཁོར་ནི་པཎྜི་ཏ་ཉིས་བརྒྱ་ལ།། དུས་ནི་རྩོད་པ་སྒྲ་ཡི་དུས།། བསྟན་པ་དྷ་ཧེ་ནའི་འདུ་ཁང་དུ།། རྩོད་པའི་འཁོར་ལོ་འདི་བསྟན་ཏོ།། རྩོད་པའི་གཞི་ལ་གཉིས་སུ་འདུས།། གཞི་ཡི
iiif viewer powered by OpenSeadragon
