| e-texts navigator |
| Wylie |
127a1 ཞག་གཅིག་ཏུ་བལྟ་བ་དང་གཅིག། ནུབ་གཉིས་པ་འོད་གསལ་ཐུན་དུ་བཅུག་ལ་བསྐོར་བ་དང་གཉིས། ནུབ་གསུམ་པ་འོད་གསལ་གྱི་ལམ་དུ་གཟུད་པ་དག་གསུམ་མོ།། དང་པོ་ཞག་གཅིག་ཏུ་ལྟས
127a2 པས། འགྱུ་བ་བུན་ལོང་གི་སོང་ནས། མཚན་མ་ཞི་བ་ནི་ཞི་གནས་རྩེ་གཅིག་གི་བསམ་གཏན་ཞེས་བྱ་སྟེ། གང་ཟག་བདག་མེད་ཉན་ཐོས་དང་ཁྱད་མེད་དོ།། སྣང་བ་འདི་སྟོང་པ་ལ་མེ་ལོང་གི་སྐོར་མ་ལྟར་མཐོང་བ་ནི།།
127a3 ཆོས་ཀྱི་བདག་མེད་ཀྱི་བསམ་གཏན་དེ། དེས་ཀྱང་སངས་མི་རྒྱ་བས། ཕལ་ཆེར་ལྟ་བ་ཁ་རྐྱངས་དང་དེ་གཉིས་ན་གནས་སོ།། དབུ་མའི་ལྟ་བར་ཀྱང་མ་བསླེབས་སོ།། ནུབ་གཉིས་པ་འོད་གསལ་དུ་བསྐོར་བ་ལ
127a4 གསུམ་སྟེ།། སྣང་བ་འོད་གསལ་དུ་ཐུན་གསུམ་དུ་བསྐོར་བས་ནི་ཕྱི་ནང་རང་སྣང་དུ་ངོ་སྤྲད་དེ། རྟ་དཀྱུས་པའི་འདྲོག་ལ་མེ་ཏོག་ཆད་པ་དང་འདྲའོ།། ཐུན་གསུམ་ཚོགས་བདུན་བསྐོར་བས་ནང་སྣང་བར་རང་གྲོལ་ཏེ།།
127a5 དུག་ལ་སྔགས་ཀྱི་ཐེབས་པ་དང་འདྲའོ།། ཐུན་གསུམ་དུ་འགྱུ་བ་གསང་ལམ་འོད་གསལ་དུ་བསྐོར་བས་གསུང་སྣང་བར་གྲོལ་དུ་ཤར་ཏེ། ག་པུར་ཚ་བ་ནད་ཀྱིས་ཟོས་པ་དང་འདྲའོ།། དེ་ནི་ཐུན་ཚད་བཟུང་བ་བསྟན
127a6 པའོ།། ད་ནི་འོད་གསལ་ལམ་དུ་བཟུད་པ་བསྟན་ཏེ། ནུབ་ཐ་མ་ལ་ཐུན་གོང་དུ་བཤད་པ་འཁོར་ལོ་དེ་བསྐོར་བའི་གཏིང་ལ་ཇི་ཙམ་གནས་ལྟ་བ་ཤིན་ཏུ་གཅེས་ཏེ། འཁོར་ལོ་དང་གནས་པ་གསུམ་ཆ་གསུམ་གཉིས
iiif viewer powered by OpenSeadragon
