| e-texts navigator |
| Wylie |
125a1 བརྡེག་ཅིང་གསོད། དྲུག་པ་མུན་པའི་ནང་ན་མེ་རླུང་གི་མ་བསྐྱོད་པར་འདུག། བདུན་པ་ཉི་ཟླ་ཕྲུག་གཅིག་ལ་ཤར་ནུབ་མེད་པར་འདུག། བརྒྱད་པ་ན་ནོར་བུ་རིན་པོ་ཆེ་ལྷའི་བུ་རྣམས་རྩེ་ཞིང་སྣང་། དགུ
125a2 པར་ཕྱིན་པས་ཡིད་བཞིན་གྱི་ནོར་བུ་རིན་པོ་ཆེ་འོད་འབར་བའི་རྩར་འཕགས་པ་བློ་གྲོས་མི་ཟད་པ་ཞུགས་ནས། ཀུན་ཏུ་བཟང་པོས་བཀའ་སྩལ་པ། འགྲོ་བའི་ལམ་ནོར་ཐར་པའི་གོ་ཡང་འགག། མ་རིག་རྨོངས
125a3 པ་ཐུགས་རྗེའི་ཞགས་པ་བཟུང་།། འཕྲུལ་གྱི་སྒོ་མ་ཕྱེད་པས་མུན་པའི་ནང་དུ་འཁྱམས།། ཞེས་ཞུས་པས། འཕགས་པ་བློ་གྲོས་མི་ཟད་པས་བཀའ་སྩལ་པ། ཐམས་ཅད་འབྱེད་པ་འཁྲུལ་གྱི་ལྡེ་མིག་འདི།། ཡིད་བཞིན
125a4 ནོར་བུའི་ནང་ནས་སྟོན་ལ་སྦྱིན།། ཉི་ཟླའི་སྒོ་ཕྱེ་སྣང་སྟོང་དབྱེར་མེད་འབྱུང་།། ཤེས་རིག་སྒྲོ་བཏགས་དགྲ་ལ་ལྟོས།། མེ་མར་འོད་ལ་ལྷ་ནམ་མཁའ་གསེར་གྱི་སྒྲོན་མ་ལྟོས།། ཞེས་གསུངས་ནས། འཕགས་པ་བློ་གྲོས
125a5 མི་ཟད་པ་མི་སྣང་བར་འགྱུར་རོ།། མཚན་དང་དཔེ་བྱད་ལས་ཀུན་ཏུ་བཟང་པོར་སངས་རྒྱས་པའི་ལེའུ་སྟེ་ལྔ་པའོ།། །། ཁམས་གསུམ་གྱི་སེམས་ཅན་སེམས་ཅན་དུ་འཁྲུལ་པ་གསུངས་པ་ནི། གཞི་རིན་པོ་ཆེ
125a6 གསེར་གྱི་སྒྲོན་མ་ནས། མི་ཟད་པའི་ནོར་ལ་སྤྱད་པས། ཀུན་ལ་སྙོམས་པའི་ཟང་མ་ལ་སྦྱིན། ལས་ཀྱི་ལུས་བླངས་རྒྱུ་རྐྱེན་དུས་ཀྱང་མཚུངས།། མ་རིག་ལེ་ལོས་སྙོམས་ལས་དམར་ལ་སྦྱར།། སྲིད་ལེན་གཉིས་ཀྱི་དུས
iiif viewer powered by OpenSeadragon
