| e-texts navigator |
| Wylie |
124b1 ཤར། རྣོ་བཏུལ་གཉིས་མེད་ཀྱི་སྒོ་འགགས་པས།། མྱོང་བའི་རིག་པ་སྨིན་ནོ།། ཡན་ལག་སྒོ་དབྱེ། རིག་པ་སྨིན་ཏེ། ཆོས་དབྱིངས་རང་བྱུང་གི་སྦུབས་ཞེས་བྱ་སྟེ།། སྣ་ཚོགས་ལ་འཇུག་གོ། ཞེས་གསུངས་སོ།། ཨ་ཏི་སྤྱི
124b2 གཅོད་ཀྱི་རྒྱུད་ལས། རིག་པ་དངོས་སུ་སྨིན་ནས་འཁྲུལ་པའི་དཔེ་སྟེ་ལེའུ་བཞི་པའོ།། །། དེ་ནས་མཚན་དང་དཔེ་བྱད་ལོངས་སྐུར་འཁྲུལ་པ་བཀའ་སྩལ་པ། གསལ་བ་སྣོད་ཀྱི་སྒོ། སྟོང་པ་བཅུད་ཀྱི་སྒོ། འཛིན་པ
124b3 མ་ཞུགས་པའི་སྒོ། ཁ་དོག་གསལ་བ་ཡན་ལག་གི་སྒོ། མཚན་མ་རིག་པར་ཤར། མྱོང་བའི་རིག་པ་སྐྱེས། རྒྱུ་བའི་རིག་པ་ཡུལ་འོད་ལྔ་ལ་ཤར་ཏེ། དང་པོ་ཅི་ཡིན་མཉམ་དུ་ཤེས་པས། བར་དུ་ཡིན་མིན་གྱི་ཤེས་པ། ཐ
124b4 མར་ཡིན་གདེངས་ཀྱི་ཤེས་པས་གཅད་པས། ཡིད་འཁོར་ལོ་གསུམ་ཞེས་ཏེ་དེ་ལ་བྱའོ།། དུས་དེ་ཙམ་ན་ཡར་སངས་མ་རྒྱས། མར་འཁོར་བར་མ་འཁྱམས་པས་ལུང་མ་བསྟན་གྱི་སྒོ་ཞེས་བྱའོ།། བར་དེར་ཀུན་ཏུ
124b5 བཟང་པོས་རིག་པ་ཡེ་ཤེས་ཀྱི་ལྡེ་མིག་ཅིག། འཕགས་པ་བློ་གྲོས་མི་ཟད་པ་ཞེས་བྱ་བ་མུན་པ་སྨག་ཏུ་གྱུར་པ་ཁང་པ་དགུ་རིམ་གྱི་ནང་ན་ཡོད་དོ།། དེ་ལྟ་རུ་ཕྱིན་པ། ཁང་པ་དག་པོ་ན་མུན་པ་གནག་ལ
124b6 འཇིགས།། གཉིས་པ་ན་ཡམ་ནག་པོ་ཟ་ཚུལ་གྱི་དབུ།། གསུམ་པ་ན་བདུད་ལྷ་སྦྱིན་གྱིས་སྲོག་གཅོད། བཞི་པ་ན་སྲིན་པོའི་རྒྱལ་པོའི་དབུགས་ལེན། ལྔ་པ་ན་གིང་ལ་དཀར་པོ་ཕྱག་ན་དུང་གི་འཁར་བ་བསྣམས་ནས
iiif viewer powered by OpenSeadragon
