| e-texts navigator |
| Wylie |
124a1 གཞི་དངོས་པོའི་གནས་ལུགས་ཇི་ལྟར་ལགས། སྣང་བ་ནི་ཇི་ལྟར་སྣང་། མིང་དུ་འདོགས་ན་ཇི་ལྟར་འདོགས། དེ་ལས་འཁྲུལ་པ་ཇི་ལྟར་ལགས། ཞེས་ཞུས་པས། ཨ་ཏི་སྤྱི་གཅོད་བསྟན་པར་བྱ།། ཞེས
124a2 གསུངས་སོ།། ཨ་ཏི་སྤྱི་གཅོད་ཀྱི་རྒྱུད་ལས། གླེང་གཞིའི་ལེའུ་སྟེ་གཉིས་པའོ།། །། དེ་ནས་བཀའ་སྩལ་པ། སྣང་བ་ནི་རང་བཞིན་གྱི་སྣང་བ་ཞེས་བྱའོ།། དུས་དེ་ཙམ་ན་གནས་པའི་རྟོགས་མེད་ཀུན་གཞི་ཞེས
124a3 ཀྱང་བྱའོ།། མིང་དུ་འདོགས་ན་མི་ཟད་པའི་མཛོད་ཀྱང་བྱའོ།། སྤྱི་ས་ཆེན་མོ་འཁོར་བའི་གཞི་ལ། སེམས་ཅན་གྱི་ཐུག་པ། ཆོས་ཉིད་སྤངས་པའི་ཀློང་ཞེས་ཀྱང་བྱ། རང་སྣང་གི་ནམ་མཁའ་ཞེས་ཀྱང་བྱའོ།། དེའི་རྩལ
124a4 ལས་ཤེས་པ་རྐྱང་པ་ཁྱབ་པའི་ཤེས་པ། རྒྱུ་བའི་ཤེས་པ། མི་རྒྱུ་བའི་ཤེས་པ། ལུང་མ་བསྟན་གྱི་ཤེས་པ་ཞེས་ཀྱང་བྱ་སྟེ། དུས་དེ་ཙམ་ན་ཐོག་མཐའ་མེད་པའི་སྙིང་པོ་ཞེས་ཀྱང་བྱའོ།། ཞེས་གསུངས་སོ།། ཨ་ཏི་སྤྱི
124a5 གཅོད་ཀྱི་རྒྱུད་ལས། གླེང་གཞིའི་ལེའུ་སྟེ་གསུམ་པའོ།། །། གཡོ་བ་ནི་སྤྱིས་ཆོས་ཀྱི་སྐུ་རྟོག་མེད་ཀྱི་སྦུབས་ནས་གཡོས། སྒོ་ནི་གསུམ་ནས་འབྱུང་སྟེ། གསལ་བ་རྟོག་མེད་ཀྱི་སྒོ། སྟོང་པ་མཚན་མེད་ཀྱི་སྒོ།
124a6 གསལ་སྟོང་བཙད་མེད་ཀྱི་སྒོ་ནས། རྣོན་པོའི་སྒོ་བྱེད་ནས་ཁྱབ་པའི་རིག་པ་བྱུང་སྟེ། རིག་པ་རྐྱང་པ་དེ་ལ་འགྲོ་བའི་སྒོ་མེད་པས། མ་ནིང་གི་སྒོ་བྱ། རྒྱུ་བའི་རིག་པའི་ཕྱིར་ཐོན། རྟུལ་པོའི་སྒོ་ཕྱེ། མཚན་མའི་རིག་པ
iiif viewer powered by OpenSeadragon
