| e-texts navigator |
| Wylie |
123b1 དམ་ཚིག་རྟེན་པ་དེས།། ཆོས་སྐུ་འོད་གསལ་སྐྱེ་མེད་འགག། ངག་གི་བཟླས་བརྗོད་འཕྲོ་འདུ་སྦྱོང་།། གསུང་གི་དམ་ཚིག་རྒྱུན་དུ་སྤྱོད།། དེས་ནི་རང་རིག་ཡེ་ཤེས་འགག། དམ་རྫས་རྣམ་ལྔ་རྒྱུན་དུ་རྟེན།། ཐུགས་ཀྱི
123b2 དམ་ཚིག་རྒྱུན་མི་གཅོད།། ལྷག་མཐོང་རིག་པའི་ཡེ་ཤེས་འགག། རྒྱ་ཆེ་ལྟ་བ་ཁ་འགྱང་ཁྱེར།། འགྱུ་དྭངས་ཡེ་ཤེས་སྐྱེ་བ་འགག། འགག་མེད་ཐིག་ལེ་ལེ་འདི་ཡིན་གྱིས།། ཐུབ་པར་མོས་ལ་སྦྱར་པར་གྱིས།། ཞེས
123b3 གསུངས་ནས། ཆོས་ཉིད་རང་སྣང་གི་དབྱིངས་སུ་གཤེགས་སོ།། ཨ་ཏི་རྫོགས་པའི་རྒྱུད་ལས་ལེའུ་དགུ་པའོ།། །། ཨ་ཏི་རྫོགས་པའི་རྒྱུད་རྫོགས་སོ།། །། @#།། རྒྱ་གར་སྐད་དུ།
123b4 ཨ་ཏི་ལ་བྷེ་ད། བོད་སྐད་དུ། ཨ་ཏི་སྤྱི་གཅོད་ཀྱི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། རོ་ལངས་བདེ་བ་རངས་པ་ན།། པན་ཙ་ཨ་མྲི་ཏ་བིན་དུ་པྲ་ཤ་བིན་ཏུ། ན་མ་ཤྲཱི་ཕ་ལ་མུནྣ་མནྟ་ཨེ་ཀ་འདུ་ཏི་ཧ་ལི
123b5 ན་མ། རོལ་པ་རྒྱུན་གྱི་ཐིག་ལེའི་ཀློང་ནས།། བྱང་ཆུབ་ཤིང་དྲུང་དུ་སྐུ་སྤྲུལ་ནས།། དེ་ཡིས་འཇམ་དཔལ་བཤེས་གཉེན་དག་ལ་བརྒྱུད།། མཐིང་ཀ་ཤུ་གུ་དག་ལ་བྲིས་པའི་གླེགས་བམ་འདི།། འཇམ་དཔལ་བཤེས
123b6 གཉེན་ཁྱོད་ལ་གདམས་པར་བྱ།། ཞེས་གསུངས་སོ།། གླེང་གཞིའི་ལེའུ་སྟེ་དང་པོའོ།། །། ཐོག་མའི་སངས་རྒྱས་འོད་མི་འགྱུར་བ། རྟོགས་ཏེ་སངས་རྒྱས་མ་བྱུང་། མ་རྟོགས་ཏེ་སེམས་ཅན་མ་བྱུང་བའི་དུས་ན།།
iiif viewer powered by OpenSeadragon
