| e-texts navigator |
| Wylie |
121a1 ཆུང་བ་ལ།། ཉག་གཅིག་བསྟན་པས་སྐུར་པར་འགྱུར།། ཨེ་མའོ་ཐམས་ཅད་གཅིག་པ་ལ།། སྒྲོ་བཏགས་ཆོས་ཀུན་ཐིག་ལེར་གཅིག། སྣ་ཚོགས་ཐིག་ལེ་ཉག་གཅིག་དང་།། ཞེས་གསུངས་སོ།། ཨ་ཏི
121a2 རྫོགས་པའི་རྒྱུད་ལས། ཐིག་ལེ་རྒྱ་ཆེ་བ་རུ་བཤད་པའི་ལེའུ་སྟེ་བཞི་པའོ།། །། ཐིག་ལེ་ཟབ་པར་བཤད་པར་ཞུ།། ཞེས་ཞུས་པས། བཀའ་སྩལ་པ། ཟབ་ཅིང་ཡངས་ལ་རྒྱ་ཆེ་བ།། ཟབ་མོ་སངས་རྒྱས་དགོངས
121a3 པ་སྟེ།། དེ་དག་ཉམས་སུ་ལེན་པ་ལ།། ཐིག་ལེ་གཉིས་སུ་བཤད་པར་བྱ།། སྣང་བ་མ་འགགས་ཐིག་ལེའི་རྒྱན།། རོལ་པ་ཡིན་པར་ཤེས་པར་བྱ།། རིག་པ་ཡེ་ཤེས་མ་འགགས་རྩལ།། འགག་པ་མེད་པར་ཤེས་པར
121a4 བྱ།། སྣང་བ་ཐིག་ལེའི་གནད་དུ་མ་ཤེས་པ།། མངལ་ཁ་རྒྱ་ཡིས་གང་ལ་ཐེབས།། སྣང་བ་སྟོང་པར་བསྒོམས་པས་བསམ་ངོ་ཡིད་སྨོན་ཡུལ།། རིག་པ་ཡེ་ཤེས་གནད་དུ་མ་ཤེས་ན།། འགྱུ་བ་སྟོང་པར་བསྒོམས་པས
121a5 རིག་པ་རྐྱང་སྒོམས་ཡིན།། ཉན་ཐོས་གང་ཟག་བདག་མེད་རྟོགས་དང་ཁྱད་པར་མེད།། འགྲོ་དྲུག་གཡང་ས་ཆོད་པར་ག་ལ་འགྱུར།། རྟ་བརྒྱུགས་འདྲོག་ལ་མེ་ཏོག་ཆོད་པ་བཞིན།། གང་ལྟར་བལྟས་པས་ཡེ་ཤེས་ཤར
121a6 ན་སངས་རྒྱས་དགོངས་པ་ཡིན།། ཐབས་དང་ཤེས་རབ་གཉིས་ནི་བཙུན་མོ་ཟོ་ཆུ་ཁྱུད་མོ་འདྲ།། རྣམ་རྟོག་ཡེ་ཤེས་གཉིས་ནི་མེ་ལ་ཤིང་བསྣན་འདྲ།། ཡེ་ཤེས་གནད་དུ་གཟིར་ན་རྒྱ་མཚོ་ཉ་མོ་འདྲ།། ཡེ་ཤེས་བྱིན
iiif viewer powered by OpenSeadragon
