| e-texts navigator |
| Wylie |
120b1 ཡེ་ཤེས་སྐྱེ་འགག་མེད།། དོན་དེ་ཐུགས་ལ་གང་འཛིན་པ།། སྐྱེས་བུ་ང་ཡི་བཀའ་ལུང་རྫོགས།། རྒྱ་ཆེན་ལུང་ལ་ཟབ་པ་རྒྱུད།། རྒྱ་ཆེ་རིག་པའི་སྣང་བ་ལ།། ཟབ་པ་ཡེ་ཤེས་ངོས་བཟུང་བཤད་པ་ཡི།། དེ་དོན་ངེས་པར
120b2 བསྟན་པ་ཡིན།། ཞེས་གསུངས་སོ།། ཨ་ཏི་རྫོགས་པའི་རྒྱུད་ལས། རྒྱུད་ལུང་སྐྲག་ཏུ་བཤད་པའི་ལེའུ་སྟེ་གསུམ་པའོ།། །། དེ་ནས་བཀའ་སྩལ་པ། ཐིག་ལེ་ཉག་གཅིག་ཏུ་བཤད་པ་དང་། གཉིས་སུ་བཤད་པ
120b3 དང་། གསུམ་དུ་བཤད་པ་དང་། བཞི་དང་ལྔ་རུ་བཤད་པ་བསྟན་དུ་གསོལ།། ཞེས་ཞུས་པས། བཀའ་སྩལ་པ། ཐིག་ལེ་ཉག་གཅིག་གཅིག་ཏུ་བཤད་པ་ནི།། ཐིག་ལེ་ཉག་གཅིག་ཡེ་ཤེས་ཆེན་པོ་སྟེ།། རྒྱ་ཆེ་ལྟ་བ་ལ
120b4 ཟླའི་དོན་དུ་བཤད་པ་ཡང་།། གཞི་མ་དངོས་པོའི་གནས་ལུགས་ལ།། རྟོགས་དང་མ་རྟོགས་གཉིས་སུ་མེད།། སངས་རྒྱས་སེམས་ཅན་གཉིས་སུ་མེད། དག་དང་མ་དག་གཉིས་སུ་མེད།། སྣང་དང་མ་སྣང་གཉིས་སུ
120b5 མེད།། བསྒོམ་དང་མ་བསྒོམ་གཉིས་སུ་མེད།། སྐྱོན་དང་ཡོན་ཏན་གཉིས་སུ་མེད།། ཐབས་དང་ཐིག་ལེ་རང་སྣང་ལ།། གཉིས་སུ་འཛིན་པ་འཁྲུལ་པ་ཡིན།། རྒྱ་ཆེ་ནམ་མཁའ་ལྟ་བུ་ཡིན།། ཕྱོགས་མཚམས་བསྒྲུབས
120b6 པས་ག་ལ་གྲུབ།། ཐམས་ཅད་ཕྱོགས་མེད་ཁྱབ་བརྡལ་ལ།། རྣམ་རྟོག་བློ་ཡི་ག་ལ་སྨོད།། ལྡོངས་པས་ནམ་མཁའ་ག་ལ་སྙེགས།། གྲང་ནད་ཅན་གྱི་སྐྱེས་བུ་ལ།། ག་པུར་དུག་ཏུ་ངེས་པར་འགྱུར།། བློ་ཆུང་ཤེས་རབ
iiif viewer powered by OpenSeadragon
