| e-texts navigator |
| Wylie |
11a1 ཚུལ་ཇི་ལྟར་ལགས།། རྒྱུ་རྐྱེན་རྟོག་པའི་སྒྲོན་གཞིའི་འཁྲུལ།། དབོར་ན་རབ་རིབ་མིག་བཞིན་དུ།། མཁའ་ལ་སྐྲ་ཤད་འཛག་པ་བཞིན།། ལོག་རྟོག་རྒྱུ་རྐྱེན་འཁྲུལ་པ་བཞི།། འཁྲུལ་པས་མ་རིག་འབྱུང
11a2 བ་ཡིན།། རྡོ་རྗེ་སེམས་དཔས་ཡང་གསོལ་པ།། མ་རིགས་གཞི་ལ་ཡོད་དམ་མེད།། ཅེས་ཞུས་སོ།། རིག་པའི་རྒྱལ་པོས་བཀའ་སྩལ་པ།། དོན་གྱི་ངོ་བོ་འཁྲུལ་མེད་དང་།། སྣ་ཚོགས་འཛིན་པའི་རྟོག་པ་བྱུང་།། དཔེར
11a3 ན་ཐག་པ་སྦྲུལ་མཐོང་ལ།། ཐག་པའི་ངོ་ལ་སྦྲུལ་མེད་དང་།། རྒྱུ་མེད་དམིགས་པ་སྦྲུལ་དུ་མཐོང་།། ཞེས་གསུངས་སོ།། རྡོ་རྗེ་སེམས་དཔས་ཡང་གསོལ་པ།། མ་རིག་པ་ཡིས་འཁྲུལ་པ་སྟེ།། དེ་ཡི་མཚན་ཉིད་ཇི་ལྟར
11a4 ལགས།། བཀའ་སྩལ་པ།། དེ་ཡི་མཚན་ཉིད་བློ་བུར་བ།། དཔེར་ན་མེ་ལོང་གསལ་བ་ལ།། གང་བསྟན་རྐྱེན་དེ་བློ་བུར་བ།། དེ་བཞིན་རང་གསལ་ཆོས་ཉིད་ལ།། འཛིན་པའི་སྣང་བ་བློ་བུར་བ།། བག་ཆགས་ལོག
11a5 པས་དཀྲུགས་ཙམ་ན།། བདག་འཛིན་འཁྲུལ་པའི་རྟོགས་པས་སླད།། འཛིན་པ་རང་རྒྱུད་དུ་མར་སྣང་།། ཆོས་ཉིད་ནམ་མཁའ་སྟོང་པ་ལ།། བློ་བུར་གཟུགས་བརྙན་སྤྲིན་གྱིས་བསྒྲིབས།། ཆོས་ཉིད་འདབ་ཆུ་ལྟ་བུ
11a6 ལ།། བློ་བུར་རྙོག་པ་དམིགས་པས་སླད།། བག་ཆགས་ལོག་པས་དཀྲུགས་ཙམ་ན།། ཐོ་ཡོར་མི་རུ་སྣང་བ་བཞིན།། ཐོ་ཡོར་མི་ཉིད་མ་ཡིན་ཏེ།། དེ་ལྟ་དེ་ལ་མི་རུ་མཐོང་།། ཐོ་ཡོར་མི་ཉིད་ཡིན་པ་ན།། ཡང་དགས
iiif viewer powered by OpenSeadragon
