| e-texts navigator |
| Wylie |
119b1 རྡོ་རྗེ་དམྱལ་བར་འགྲོ།། རྒྱས་བཏབ་པོ།། རྒྱ་རྒྱ་རྒྱ།། @#།། རྒྱ་གར་སྐད་དུ། ཨ་ཏི་སནྣི་མ་ཧཱ་ཏནྟྲ། བོད་སྐད་དུ། ཨ་ཏི་རྫོགས་པ་ཆེན་པོའི་རྒྱུད། དཔལ་ཀུན་ཏུ་བཟང་པོ་ལ་ཕྱག
119b2 འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན། བྱང་ཆུབ་ཤིང་དྲང་གནས་མཆོག་ཏུ།། སྦྲུལ་སྐུ་དགའ་རབ་རྡོ་རྗེ་ནི།། མེ་ཏོག་པདྨའི་གདན་ལ་བཞུགས།། སངས་རྒྱས་ལུས་ཀྱི་རྒྱན་ཡང་རྫོགས།། ཕྱག
119b3 མཚན་འགྱུར་མེད་རྡོ་རྗེ་བསྣམས།། ཞི་དང་ཁྲོ་བོའི་མཚན་མཆོག་མངའ།། སྙིང་རྗེ་ཆེན་པོས་གཞན་དོན་མཛད།། ཆོས་དང་ཡུལ་ལ་དམིགས་པ་ཡིས།། སྙིང་རྗེས་འགྲོ་བའི་དོན་ཡང་མཛད།། ཐབས་ཀྱི་སྒོ་ནས་ཐམས
119b4 ཅད་འདུལ།། བྱིན་བརླབས་ཉི་མའི་འོད་ལྟར་འཚར།། ཁུ་བྱུག་གསུང་འདྲ་དུས་ཚོད་འཛིན།། ཐམས་ཅད་རང་ལ་རྫོགས་པའི་དུས།། བརྡ་དང་སྒྲ་དང་ཚིག་དང་དོན་གྱིས་བསྡུས།། ཨེ་མ་ཧོ་ཡང་གསང་རྨད་དུ་བྱུང
119b5 བབའོ།། ཨ་ཏི་རྫོགས་པའི་རྒྱུད་ལས། སྟོན་པས་གླེང་སྤང་བའི་ལེའུ་སྟེ་དང་པའོ།། །། དེ་ནས་འཇམ་དཔལ་བཤེས་གཉེན་གྱིས།། ཀྱེ་སྟོན་པ་དགའ་རབ་རྡོ་རྗེ་ལགས།། རྒྱུད་ཀྱི་ངོ་བོ་བསྟན་དུ་གསོལ།། ཅེས
119b6 ཞུས་པས། ཐུགས་རྒྱུད་ཞལ་བརྒྱད་ཞུས་ལན་གསུམ་གསལ།། དགོངས་ཏེ་གསུམ་ཉིད་རྣམ་པར་གསུངས།། ཆོས་གསུམ་ཕུན་སུམ་ཚོགས་པས་རྒྱུད་ཅེས་བྱ།། ཞེས་གསུངས་པས། དེའི་དོན་འདི་བསྟན་དུ
iiif viewer powered by OpenSeadragon
