| e-texts navigator |
| Wylie |
119a1 རིག་པའི་ཕྲག་གཏིབ་པའོ།། འོད་གསུམ་གྱི་རྩལ་ལ་ཁ་དོག་ལྔ་རུ་སྣང་བས།། ཐམས་ཅད་ཡུལ་དུ་སྣང་བར་བྱེད།། བསྡུས་པས་ཆོས་གསུམ་ཨའི་རྒྱས་གདབ།། སྣང་བའི་རྩ་བ་བཅད་ཅེས་བྱའོ།། དུག
119a2 གསུམ་ཆོས་གསུམ་དུ་སྦྱོར་བ་དང་སྒྲོལ་བ་ཡང་ཡིན།། དབུགས་དང་འགྱུ་བ་ཡེ་ཤེས་རླུང་དུ་སྦྱོར་བ་དང་སྒྲོལ་བ་ཡང་ཡིན།། རྣམ་རྟོག་དང་རིག་པའི་ཡེ་ཤེས་ཀྱི་རྩལ་དུ་སྦྱོར་བས་སྒྲོལ་བ་ཡང་ཡིན།། ཐོབ་མ་མྱོང་བའི
119a3 ལུས་ཐོབ་པ་ཡང་ཡིན།། ཡེ་ཤེས་རང་ས་ཟིན་པས།། མྱོང་མ་མྱོང་བའི་ཡུལ་མཐོང་བ་ཡང་ཡིན།། ཆོས་ཉིད་མ་དང་མཇལ་བས།། ཤེས་མ་མྱོང་བའི་གཏམ་ཤེས་པ་ཡང་ཡིན།། རང་དབང་རང་གིས་ཐོབ་པས།། རྟོགས
119a4 མ་མྱོང་བའི་དོན་རྟོགས་པ་ཡང་ཡིན།། སྐུ་གསུམ་ཐིག་ལེར་རྫོགས་པས།། སྦྱོར་སྒྲོལ་མཆོད་པ་ཆེན་པོའི།། ཐིག་ལེ་ཡང་གསང་སྒོར་ཕྲ་མོའི་གདན་བསྡུས་པ།། ཆོས་གསུམ་ལམ་དུ་སྡུས་པ། ཡང་གསང་སྐོར་རྫོགས
119a5 ཆེན་ཨ་ཏི་ལམ་མེད་ལམ་ཆེན་པོ། སྟོན་པ་གསུམ་གྱི་བྱིན་བརླབས། རིགས་འཛིན་གསུམ་གྱི་བྱིན་རྒྱུད་རྫོགས་སོ།། །། ཐིག་ལེ་སྐོར་དང་ཛ་ཏོག་གི་བསམ་པ་མ་བུ་མ་ལུས་པ་སྙན་དུ་རྒྱུད་པའི་དཔེའི་སྐོར
119a6 རོ།། སྙན་རྒྱུད་ཡེ་ཤེས་ངོས་བཟུང་ཐིག་ལེ་རྗེན་པར་སྟོན་ནོ།། དཔེའི་རྒྱུད་དང་སྙན་རྒྱུད་ངོ་སྤྲོད་གཉིས།། སྤང་ཆེན་ཞོ་ལྷག་བདེ་ཆེན་གྱི་དབེན་ཚ་རུ།། དཔེ་ཡང་རྫོགས་ནས་གདམས་པ་གནང་བ་ལགས་སོ།། སྤེལ་ན
iiif viewer powered by OpenSeadragon
