| e-texts navigator |
| Wylie |
118a1 ཉོན་མོངས་པའི་ཡིད་ལ་རྒྱུའོ།། སྐྱོན་ཡོན་དབང་པོ་དངས་འབྱེད་ཀྱི་རྩ་ནི་སྒོ་ལྔའི་རྣམ་ཤེས་ལ་རྒྱུ། རྩ་དེ་རྣམས་ཀྱི་མདོག་ཆོས་གསུམ་དུ་འདུས་སོ།། དེ་ཡང་ཁ་དོག་ནི་དར་དཀར་གྱི་སྐུད་པ་དང་འདྲ་བ།
118a2 སྦོམ་ཕྲའི་ཚད་ནི་རྟ་རྔ་བཅུར་གཤེགས་པ་ཙམ་མོ།། དེ་ལ་ཉོན་མོངས་པ་ཅན་ཞེ་སྡང་རྒྱུའོ།། འོད་དམར་པོ་ལས་འདོད་ཆགས་རྒྱུའོ།། འོད་ལྗང་ཁུ་ལས་ཕྲག་དོག་རྒྱུའོ།། འོད་སེར་པོ་ལས་ང་རྒྱལ་རྒྱུའོ།། འོད་མཐིང་ཀ
118a3 ལས་གཏི་མུག་རྒྱུའོ།། དེ་རྣམས་ཀྱི་དབུས་ན་དྲན་པ་ཐམས་ཅད་དུ་འཆར་བ། ཐིག་ལེ་འདུས་པའི་རྒྱུད་ལས། སེམས་ཅན་དྲན་ཞི་ཙིཏྟའི་དཀྱིལ།། སེམས་ཉིད་འོད་ཀྱི་ཐིག་ལེར་གསལ།། ཆོས་གསུམ་ངོ་བོ་འོད་དུ
118a4 ཤར།། ཞེས་པས་སོ།། དེ་ནི་ཀུན་གཞིའི་རྣམ་ཤེས་ཀྱི་རྟེན་ཡིན།། ཀུན་གཞི་ཆ་ཕྲ་མོ་ཡང་དེ་ལས་བྱུང་།། ཉོན་མོངས་པའི་ཡིད་ཀྱང་དེ་ལས་བྱུང་།། རྣམ་པར་ཤེས་པའི་ཚོགས་ཀྱང་དེའི་ཆ་ལས་བྱུང་ངོ་།། དེ་རྣམས
118a5 རིག་པའི་ཡེ་ཤེས་ཡིན་པར་རྟོགས་ན་མངོན་དུ་འགྱུར་རོ།། ང་ནི་ངོ་སྤྲད་དོ།། ཆོས་ཉིད་རང་བྱུང་གི་རྩ་ནི་ཆོས་ཀྱི་དབྱིངས་ཀྱི་ཡེ་ཤེས་སུ་ངོ་སྤྲད། གཉིས་སུ་མེད་པ་ཡེ་ཤེས་རྩ་ནི་རང་རིག་པའི་ཡེ་ཤེས་སུ་ངོ་སྤྲད། བློ
118a6 བུར་རྒྱུད་པའི་རྩ་ནི་རིག་པའི་ཡེ་ཤེས་ཁོ་ནའོ།། སྐྱོན་ཡོན་དབང་པོ་དང་དབྱེ་རྩ་ནི་འབྲས་བུ་ཆོས་ཀྱི་སྐུའི་ཡེ་ཤེས་སུ་ངོ་སྤྲད་དོ།། འོད་ལྔ་ལས་རྩ་ལྔ་དུག་ལྔ་འབྱུང་བའི་ངོ་སྤྲད་པས། འོད་དཀར་པོ་མེ་ལོང་ལྟ་བུའི་ཡེ
iiif viewer powered by OpenSeadragon
