| e-texts navigator |
| Wylie |
116b1 པར་བྱས་ལ། འཛུབ་མོ་གཡོན་པའི་རྩེ་ལ་ཡི་གེ་ཨ་གཅིག་བསམ་ཞིང་། ནས་གཡས་གཡོན་དགག་པར་བྱའོ།། དེའི་དུས་སུ་ཕྱིར་མི་ལྡོག་པའི་གདམས་ངག་དྲན་པར་བྱའོ།། བར་དོའི་མན་ངག་རྐྱེན་གསུམ་དང་ལྡན
116b2 ན་མངོན་པར་རྫོགས་པར་སངས་རྒྱས་སོ།། ཡེ་ཤེས་ཁོང་གསལ་དྲན་པར་བྱའོ།། དེའི་ཡོན་ཏན་ནི་ཆོས་སྐུ་མཁའ་ཁྱབ་དང་ལྡན་ནོ།། རྫོགས་སོ།། །། @#།། སངས་རྒྱས་ཐིག་ལེ་ཉག
116b3 གཅིག་ལ། ཆོས་སྐུ་བརྡལ་ཁྱབ། རྟོགས་པར་བྱ་བའམ། བཙལ་བའི་ཆོས་མེད་དོ། གང་ཟག་བློའི་ངོས་ནས་གཉིས་སུ་མེད་པར་རྟོགས་དགོས་པ་ལས། རྩ་རླུང་ཐིག་ལེའི་གདམས་པ་བཤད་པར་བྱ། དེ་ནས་གདམས
116b4 པ་ནི། རྩ་དང་ཐིག་ལེའི་གནད་གསུམ་རང་གྲོལ་དུ་ཤེས་དགོས་ཏེ། ཐིག་ལེ་ཆེན་པོའི་རྩ་རླུང་འདི་ནི་ཕྱི་ནང་གསང་བ་གསུམ་དུ་འདུས་པའོ།། དེ་ལ་ཐིག་ལེ་ཕྱི་ལྟར་བཤད་པ། ཕྱི་འབྱུང་བ་ལྔ་ནི་ངོ་བོའི་འོད་གསལ་དེ
116b5 རག་གསལ་དུ་གནས་རང་བྱུང་ཡེ་ཤེས་སོ།། དེ་ནི་ཕྱིའི་ཐིག་ལེའོ།། ནང་གི་ཐིག་ལེ་ནི་ངོ་བོ་རིག་པའི་ཡེ་ཤེས་རང་ཤར་ངོ་ཤེས་པའོ།། གསང་བའི་ཐིག་ལེ་ནི་སྒོམ་པས་མ་རྙེད། མ་བསྒོམས་པས་མ་གཏོར། ཡེ་ཤེས
116b6 རང་ལས་མ་རྟོགས་པ་མེད་དོ།། ཕྱི་གསལ་བ་འབྱུང་ལྔ་ནི་རང་སྣང་ཆེན་པོའོ།། ནང་རིག་པའི་ཡེ་ཤེས་ཀྱི་གདངས་ནི། མེ་ལོང་དང་བྱད་ལྟ་བུའོ།། གཉིས་སུ་མེད་པའི་ཆོས་སྐུ་བརྡལ་ཁྱབ་ཆེན་པོ་དང་། ཡེ་ཤེས་བརྡལ
iiif viewer powered by OpenSeadragon
