| e-texts navigator |
| Wylie |
116a1 གསུམ།། ལོངས་སྤྱོད་སྐུའི་གནས་ལུགས།། སྤྱི་ནི་འོད་སྲུངས་ཆེན་པོ་ཡིན།། དགོས་ནི་འོད་སྲུངས་ཆུང་ངུ་ཡིན།། ཐིག་ལེ་འདུས་པའི་སྙན་བརྒྱད་འདི།། སྟོན་པ་གསུམ་དང་།། རིགས་འཛིན་གསུམ་གྱི
116a2 བྱིན་རླབས།། ལྕེ་བཙུན་བདག་ལ་ཐུགས་ཀྱི་བཅུད་ཐིགས་པ།། དབང་ཆེན་ཐོབ་པས་ཆོས་སྒྲོ་འོང་སྟེ་མཆི།། ཟས་སྐོམ་མི་ལ་ཚོལ་ཡང་གདམས་ངག་གཅིག་མ་ཤོར།། དགོས་དགུ་མི་ལ་ཚོལ་ཡང་གསང་གཏེར་འདི་མ
116a3 ཤོར།། ཉལ་ས་མི་ལ་ཚོལ་ཡང་ཐུགས་ཀྱི་བཅུད་མ་བསྟན།། གྲོང་སྦྲང་རྟག་ཏུ་བྱེད་ཀྱང་ཁ་རུ་འབྱིན་མ་མྱོང་།། ཐུགས་ལ་གབ་བོ།། ཐིག་ལེ་འདུས་པའི་སྙན་བརྒྱུད་རྫོགས་སོ།། །།
116a4 ཐིག་ལེ་འདུས་པའི་མན་ངག། འཆི་ཀ་མ་ལས་རིན་པོ་ཆེ། འཁོར་བའི་མཐའ་བཅད་པ། སྐྱེ་བའི་སྒོ་དགག་པ་མངལ་ཁ་རྒྱས་འདེབས་འདི་མཆོག་ཏུ་གསུངས་སོ།། བདག་ནམ་འཆི་བའི་དུས་སུ།། རླུང་རྣམ་པ
116a5 ལྔ་རིམ་གྱིས་ཞི་ནས། ཕྱི་འབྱུང་བ་ལྔ་ནང་གི་འབྱུང་བ་ལྔ་ལ་ཐིམ་ནས། ནང་གི་འབྱུང་བ་ལྔ་ཡུལ་ལྔ་མཁའ་ཀློང་རྣམ་པ་ལྔ་ལ་ཐིམ། ཡུལ་ལྔ་རིགས་ཀྱི་ཡུམ་ལྔ་ལ་ཐིམ་སྟེ། ཡབ་སོ་སོའི་འབྲས་བུ་ལྔ་ལ་ཐིམ་ནས།
116a6 ཡིག་འབྲུ་ལྔ་ཡེ་ཤེས་ལྔ་ལ་ཐིམ། ཡེ་ཤེས་ལྔ་འོད་ཀྱི་གོང་བུ་མཚོན་གྱི་གྲུ་གུ་བརྡོགས་པ་བཞིན་དུ་གནས་སོ།། དེ་ཡེ་ཤེས་ཀྱི་རླུང་གིས་བསྐྱོད་ནས། ནས་གཡས་གཡོན་དུ་འབྱུང་སྟེ། འཆི་ཀ་མའི་གདམས་ངག་དྲན
iiif viewer powered by OpenSeadragon
