| e-texts navigator |
| Wylie |
114b1 བཟླས་ན།། བཅུ་གཉིས་བཅུ་གཉིས་གསང་སྒོ་ནས།། བདག་ཉིད་ཡེ་ཤེས་སེམས་དཔའ་ལ།། མེ་ལོང་ལྟ་བུའི་གཟུགས་བརྙན་ནོ།། དེ་ཡང་ཡེ་ཤེས་ཁོང་གསལ་དུ།། སྒོམ་པ་ཆོས་སྐུ་མཁའ་ཁྱབ་ཐོབ།། གསང་གི་སྒྲ
114b2 ཡིས་བོས་པའི་ཚེ།། བདག་དང་གཉིས་མེད་ཐུགས་ཁར་ཐིམ།། དེ་ཡང་ཡེ་ཤེས་ཁོང་གསལ་དུ།། དེ་ནི་སྐྱེ་བ་མེད་པའི་ལམ་པའོ།། རིག་པ་ལུ་གུ་རྒྱུད་དུ་དྲང་བ་ནི།། གང་ཞིག་གནས་ནས་ཐོན་པའི་ཚེ།། སྒོ་གསུམ་སྒོ།
114b3 གསུམ་སྒོ་སྤྲད་དེ།། དབུགས་རེ་ཧཱུཾ་རེ་དྲན་པར་བྱ། འཇུག་པའི་དབུགས་ནི་ཨ་རུ་ཐིམ།། ཨ་ནི་སྐྱེ་མེད་ཆོས་ཀྱི་སྐུ།། མཁའ་ཁྱབ་དངས་པར་རབ་ཏུ་བསྟན།། ཡེ་ཤེས་ཁོང་གསལ་དང་དུ་བསྟིམ།། དེ་ལ་གཉེན་པོ
114b4 གཞིག་ཏུ་མེད།། དེ་ནི་ཡང་དག་རྡོགས་པའོ།། འཆི་ཀ་མ་ལས་ཀྱི་རིན་པོ་ཆེ།། རིག་པ་ལུ་གུ་རྒྱུད་དུ་གྲང་པ།། ཐིག་ལེ་འདུས་པའི་བུ་གཞན་དོན་རྫོགས་སོ།། །། @#།། ཐིག་ལེ་འདུས་པའི་བུ།
114b5 ཀུན་ཏུ་བཟང་པོས་སྒྲ་གསུམ་བསྲེ་བའི་མན་ངག། ཆོས་ཐམས་ཅད་ཆོས་སྒྲ་མཁའ་ཁྱབ་ད་ངས་པར་ལ་བཟླ་བ་ནི། རིག་པ་ཁོང་གསལ་གྱི་སྒོ་ནས་ཡེ་ཤེས་ཡོན་ཏན་དུ་བསྟན་པ་དང་། ཡེ་ཤེས་ཡོན་ཏན་གྱི་སྒོ།
114b6 ནས་ཐུགས་རྗེའི་རྩལ་སྣང་བར་བསྟན་པའོ།། ཆོས་ཀྱི་སྐུ་ལ་རིག་པའི་རྩལ་མ་འགགས་པས། མེ་ལོང་ལྟ་བུའི་ཡེ་ཤེས། དེ་ལས་འཕྲོ་འགྱུར་མེད་པས་མི་འགྱུར་བས།། ཆོས་སྐུ་ལ་ཐམས་ཅད་མཁྱེན་པའི་ཡེ་ཤེས་དང
iiif viewer powered by OpenSeadragon
