| e-texts navigator |
| Wylie |
114a1 རླུང་།། ཐམས་ཅད་སྡུད་པ་ཆུ་ཡི་རླུང་།། མཁའ་ཁྱབ་དྲངས་པ་ནམ་མཁའི་རླུང་།། དེ་ནི་གསང་བའི་ངོ་སྤྲོད་དོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། རླུང་ལྔ་ལ་ངོ་སྤྲད་པའི་ལེའུ་སྟེ་བཅུ་བཞི
114a2 པའོ།། །། དེ་ནས་སྟོན་པ་མར་མེ་མཛད་ཀྱིས་རྗེས་སུ་ཡི་རང་ནས་མངོན་པར་བསྟོད་པ།། སྟོན་པའི་རྒྱལ་པོ་འོད་སྲུངས་ཀྱིས།། རྒྱུད་ཀྱི་རྒྱལ་པོ་རྩ་རླུང་རྒྱུད།། ཐམས་ཅད་ཕྱི་ནང་ལ་བཟླ་བསྟན་པ།། ལྟ
114a3 སྒོམ་སྤྱོད་པ་ལ་བཟླས་ནས།། རང་གི་འདུག་ཚུགས་ངོ་སྤྲད་པ།། ཨེ་མ་ཧོ་ངོ་མཚར་ཆེའོ།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། རྗེས་སུ་ཡི་རང་བའི་ལེའུ་སྟེ་བཅོ་ལྔ་པའོ།། །། རྫོགས
114a4 སོ།། །། @#།། ཐིག་ལེ་འདུས་པའི་བུའི་མན་ངག། གཞན་དོན་དུ་བསྟན་པ། འཆི་ཁ་མ་ལས་ཀྱི་རིན་པོ་ཆེ། སློབ་དཔོན་དགའ་རབ་རྡོ་རྗེས་སྨྲས་པ། བྱང་ཆུབ་སེམས་དཔའ་ཁྱོད་ལམ
114a5 དུ་འཇུག་པའི་ཚེ། གསང་བའི་སྒོ་དགུ་པའི་གནད་དགུ་ལ།། ཡི་གེ་མ་བུའི་སྦྱོར་བས་དགག། གསང་བའི་སྒོ་དགུ་ནི།། སྙིང་ཁ་ལྐོག་མ་ཁ་མིག་གཉིས།། ནོར་འབུད་སྣ་ཡི་རྩེ་མོ་རུ།། སྔགས་བྲིས་པ་ནི་གདགས་པར
114a6 བྱ།། བསམ་གཏན་ཡེ་ཤེས་ཁོང་གསལ་བསྐྱེད།། ད་ནི་གསང་བའི་སྒོ་གསུམ་དབྱེ།། འཇུག་པ་དེ་ཡི་ཐོར་ཏོ་ནས།། ཚངས་པའི་སྐུད་པ་སུམ་སྒྲིལ་ལ།། བདག་ཉིད་ལྷ་ཡི་སྲིན་ལག་ལ།། བཏགས་ཏེ་སྔགས་འདི་སྟོང
iiif viewer powered by OpenSeadragon
