| e-texts navigator |
| Wylie |
113b1 སྟོན་པ་མར་མེ་མཛད།། རླུང་གི་སྣང་བ་སྲིད་པ་སྐལ་པ་གསུམ།། སྣང་ལ་ལྗང་ཁུ་འགག་མེད་ལ།། དབྱིངས་ནི་འོད་མ་བཀུག་པར་སྲིད།། སྐལ་པ་ཕྱི་ནང་གསུམ་དུ་བསྐལ།། གླིང་བཞི་འདེག་པ་འབྱུང་ལྔའི
113b2 རླུང་།། ཡང་ཞིང་གཡོ་བ་རླུང་གི་རླུང་།། རླན་ཞིང་སྡུད་པ་གཡོ་བ་ཆུ་ཡི་རླུང་།། དྲོད་འབེབས་གཡོ་བ་མེད་ཡི་རླུང་།། སྲ་ཞིང་གཡོ་བ་ས་ཡི་རླུང་།། སྟོང་ཁྱབ་གཡོ་བ་ནམ་མཁའི་རླུང་།། ལྔ་ནི་རྩ་བ་འབྱུང་ལྔའི
113b3 རླུང་།། ཟུང་དུ་འཇུག་པ་བཅུ་མིང་ཅན།། རང་བྱུང་ཡེ་ཤེས་འགག་མེད་རླུང་།། ཕྱི་ཡི་རླུང་དུ་བཤད་པའོ།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། ཕྱི་རང་འབྱུང་གི་རླུང་ལ་ངོ་སྤྲད་པའི་ལེའུ་སྟེ།
113b4 བཅུ་གཉིས་པའོ།། །། ནང་གི་རླུང་ལྔ་བསྟན་པ་ནི།། འཁོར་ལོ་ལྔ་ན་རླུང་ལྔ་གནས།། ས་ཡི་རླུང་དང་ཆུ་ཡི་རླུང་།། མེ་ཡི་རླུང་དང་ནམ་མཁའི་རླུང་།། རླུང་གི་རླུང་སྟེ་རྩ་བ་ཡི།། རླུང་ལྔ་དག་ཡན་ལག་ལྔ།། ལྔ་ཡི
113b5 བདག་ཉིད་བཅུ་མིང་ཅན།། ནང་གི་རླུང་ལ་ངོ་སྤྲད་པའི་ལེའུ་སྟེ་བཅུ་གསུམ་པའོ།། །། གསང་བའི་རླུང་ལ་ངོ་སྤྲད་དེ།། རིག་པ་གཡོ་བ་རླུང་གི་རླུང་།། དེ་ཉིད་སྡུད་པ་ཆུ་ཡི་རླུང་།། རིག་པ་སྨིན་པ་མེ་ཡི
113b6 རླུང་།། རིག་པ་བསྟན་པ་ས་ཡི་རླུང་།། ཀུན་ལ་ཁྱབ་པ་ནམ་མཁའི་རླུང་།། ཟུང་དུ་ཞུགས་པས་བཅུ་མིན་ཅན།། ཐུགས་རྗེ་མི་འགག་རླུང་གི་རླུང་།། རིག་པ་ཁོང་གསལ་མེ་ཡི་རླུང་།། སྨིན་ནས་བསྟན་པ་ས་ཡི
iiif viewer powered by OpenSeadragon
