| e-texts navigator |
| Wylie |
112b1 ནོ།། སྤྱི་གཙུག་བྱ་བ་གྲུབ་པའི་རྩ།། རླུང་ཡང་བྱ་བ་གྲུབ་པའི་རླུང་།། ཐིག་ལེ་བྱ་བ་གྲུབ་པའོ།། མགྲིན་པ་མེ་ལོང་ལྟ་བུའི་རྩ།། སྙིང་ཁ་མཉམ་པ་ཉིད་ཀྱི་རྩ།། ལྟེ་བ་སྟོང་པ་ཉིད་ཀྱི་རྩ།། གསང་བ་སོ་སོར་རྟོགས་པའི
112b2 རྩ།། ཐམས་ཅད་འདུས་པའི་ངོ་བོའི་རྩ།། གཉིས་པོ་ཟུང་དུ་འབྲེལ་བའོ།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། རྩ་རྟགས་ལ་ངོ་སྤྲོད་པའི་ལེའུ་སྟེ་བདུན་པའོ།། །། དེ་ནས་རང་གི
112b3 མཚན་ཉིད་བསྟན་པ་ན།། རིག་པའི་ཟང་ཐལ་ཆེན་པོའི་ཐིག་ལེ་ཡིན།། དེ་ཉིད་སྟོང་པ་རྩ་ཞེས་བྱ།། དེ་ལས་གཡོ་བ་རླུང་ཞེས་བྱ།། རྒོད་ན་རྩ་ལས་ངོ་སྤྲད་ཀྱིས།། བྱས་པས་བསམ་པ་དྲུག་པ་ཡ་ཆ།། བྱིང་ན་རིག་པའི
112b4 རང་སྒོ་ལས།། བསམ་རྡུག་ལྷ་ཁང་ལྟད་མོ་ཆེ་བ་ཡ་ཆ།། འཕྲོ་ན་རིག་པ་ཟང་ཐལ་ལྟོས།། འགྲོ་ས་མེད་པ་ཡ་ཆ།། རྩོལ་ན་རང་བྱུང་ཡེ་ཤེས་ལྟོས།། རྩོལ་བས་གཏོར་བ་ཡ་ཆ།། སྒྲུབ་ན་ལྷུན་གྲུབ་འཕོང་ར
112b5 ལྟོས།། བསྒྲུབ་པས་བརླག་པ་ཡ་ཆ།། སྦྱར་ན་རྩ་དང་རླུང་ལ་ལྟོས།། རང་གྲོལ་ཡིན་པ་ཡ་ཆ།། སྦྱོང་ན་ཀུན་བཟང་ལྟད་མོ་ལྟོས།། སྦྱང་བས་སྟོར་བ་ཡ་ཆ།། འགེགས་ན་ཡེ་ཤེས་ཁོང་འཆར་ལྟོས།། བཀག་པས་འོད
112b6 གསལ་རྟོར་པ་ཡ་ཆ།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། རང་གི་མཚན་ཉིད་ལ་ངོ་སྤྲད་པའི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། ཐིག་ལེ་སྣང་བ་སྲིད་པ་དང་།
iiif viewer powered by OpenSeadragon
