| e-texts navigator |
| Wylie |
112a1 ས་ལ་ལྷོ་ན་ཆུ།། ནུབ་ན་མེ་ལ་བྱང་ནས་རླུང་།། དབུས་ན་ནམ་མཁའ་ཇི་བཞིན་ནོ།། མགྲིན་པའི་རྩ་ལས་འཕྲོས་ནས་ནི།། མཁུར་ཚོས་གཡས་ན་ས་ཡི་རྩ།། གཡོན་ན་ཆུ་ཡི་རྩ་གནས་སོ།། ཨོལ་སྐོང
112a2 གཡས་ན་མེ་ཡི་རྩ།། གཡོན་ན་རླུང་གི་རྩ་སྟེ་རྒྱ་གྲམ་འདྲ།། དབུས་ན་ནམ་མཁའ་དེ་བཞིན་ནོ།། སྙིང་ཁའི་རྩ་ལས་འཕྲོས་པ་ནི།། ཨན་གོང་གཡས་པ་ས་ཡི་རྩ།། གཡོན་པ་ཆུད་དེ་དཔུང་གཡས་མེ།། དཔུང་གཡོན
112a3 རླུང་ལ་དབུས་ན་ནམ་མཁའི་རྩ།། རིན་ཆེན་ཟུར་བརྒྱད་དབྱིབས་སུ་སྣང་།། ཞེས་གསུངས་སོ།། ལྟེ་བ་སྤྲུལ་པའི་རྩ་བས་ནི།། འཕྲོ་སྟེ་ཕྱི་གཡས་ས་ཡི་རྩ།། གཡོན་པ་ཆུ་ལ་དཔུང་མོ་གཡས་པ་མེའི་རྩ།། གཡོན་པ་རླུང
112a4 གི་རྩ།། དབུས་ན་དེ་བཞིན་ནམ་མཁའི་རྩ།། གསང་བའི་རྩ་ལས་འཕྲོས་པ་ནི།། རྩི་བ་མ་གཡས་པ་ས་སྟེ་གཡོན་པ་ཆུ།། བུམ་པའི་རྩེ་མོ་མེ་ཡི་རྩ།། རྩ་བ་རླུང་གི་རྩ་རུ་སྣང་།། ཐིག་ལེ་བྲོད་འབེབས་དེ་ནས་བྱུང་།། རླུང
112a5 ལ་བདེ་བས་ཡོད་པས་ན།། བདེ་བ་རྒྱས་པ་དེ་ལས་བྱུང་།། རྩ་ཡི་ངོ་བོ་བསྟན་པ་ནི།། བདེ་བ་སྟོང་པ་དེ་ནས་བྱུང་།། ཐིག་ལེའུ་ངོ་བོ་འོད་གསལ་ལས།། ཡེ་ཤེས་ངོས་བཟུང་དེ་ནས་བྱུང་།། ཞེས་གསུངས་སོ།། ཐིག་ལེ
112a6 འདུས་པའི་རྒྱུད་ཕྱི་མའི་ཕྱི་མ་ལས། རྩ་དང་རླུང་ཐིག་ལེ་སྤྱིའི་རྣམ་པར་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་དག་བཤད་བྱ་བ།། རྒྱས་པའི་རྩ་ལ་ལ་བསམ་མི་ཁྱབ།། བསྡུས་པ་རྣམ་པ་ལྔ་ཡིན
iiif viewer powered by OpenSeadragon
