| e-texts navigator |
| Wylie |
111a1 སྟོན་པ་རྣམ་བདུན་ནོ།། ཡང་སྟོན་པ་རྣམ་པ་བདུན་ནི། གཏི་མུག་གི་སྟོན་པ་ཀུན་ཏུ་བཟང་པོ། འདོད་ཆགས་ཀྱི་སྟོན་པ་སྣང་བ་མཐའ་ཡས། ཞེ་སྡང་གི་སྟོན་པ་རྡོ་རྗེ་སེམས་དཔའ། ང་རྒྱལ་གྱི་སྟོན་པ
111a2 རིན་ཆེན་འབྱུང་ལྡན། ཕྲག་དོག་གི་སྟོན་པ་དོན་ཡོད་གྲུབ་པ། ཁོང་ཁྲོའི་སྟོན་པ་མི་ཕམ་མགོན་པོ། ངོ་བོ་ཉིད་ཀྱི་སྟོན་པ་དགའ་རབ་རྡོ་རྗེ་དང་བདུན་ནོ།། མ་བཙལ་ལྷུན་གྱིས་གྲུབ་པའོ།། སྣང་བ་ནི་ཡེ་ཤེས
111a3 ལྔའོ།། སྲིད་པ་ནི་རིགས་དྲུག་ངོ་བོ་དང་བདུན། བསྐལ་པ་ནི་རང་སྣང་ངོ་མ་ཤེས་པའོ།། ཞེས་གསུངས་སོ།། སྟོན་པ་དྲུག་འགྲོ་དྲུག་ནས་ཐིག་ལེའི་ཀློང་རང་གྲོལ་བ་ཡ་ཆ། ཞེས་གསུངས་སོ།། ཐིག་ལེ་འདུས་པའི་རྒྱུད
111a4 ཕྱི་མའི་ཕྱི་མ་ལས། འགྲོ་དྲུག་ངོ་སྤྲད་ཀྱི་ལེའུ་སྟེ་བཞི་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་སྟོན་པ་མར་མེ་མཛད།། སྒོ་ང་ལྔ་ཡི་དོན་བཤད་པ།། ཤ་ཡི་སྒོ་ང་གཏི་མུག་ཕག་དང་སྦྲུལ།། རུས
111a5 པའི་སྒོ་ང་བྱ་ཡི་རྒྱུ།། འོད་ཀྱི་སྒོ་ང་གཟུགས་ཀྱི་རྒྱུ།། ཐིག་ལེའི་སྒོ་ང་མི་ཡི་རྒྱུ།། སྣང་བའི་སྒོ་ང་དམྱལ་བའི་རྒྱུ།། སྒོ་ང་ལྔ་ལ་ངོ་སྤྲད་པས།། ཤ་ཡི་སྒོ་ང་ཐུགས་རྗེའི་སྐུ།། རུས་པའི་སྒོ་ང་རྡོ་རྗེའི་སྐུ།། འོད་ཀྱི་སྒོ་ང་མངོན
111a6 བྱང་སྐུ།། ཡིད་ཀྱི་སྒོ་ང་ལོངས་སྤྱོད་སྐུ།། ཐིག་ལེ་སྒོ་ང་ཆོས་སྐུའོ།། ཐིག་ལེ་གཅིག་ཏུ་ངོ་སྤྲད་པས།། སྒོ་ང་ལྔ་པོ་སྐུ་ལྔར་གྲོལ།། ཅེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། སྲིད་པའི་སྒོ་ང་རང
iiif viewer powered by OpenSeadragon
