| e-texts navigator |
| Wylie |
110b1 འགྱུར་བ་སྟེ།། སྣང་བ་ནི་འོད་དུ་སྣང་བའོ།། སྲིད་པ་ནི་རྟོགས་པ་མངོན་དུ་གྱུར་པ་སྲིད་པའོ།། བསྐལ་པ་ནི་ལྷུན་གྲུབ་འགག་མེད་ཀྱི་བསྐལ་པའོ།། ཞེས་གསུངས་སོ།། ཐོག་མའི་སྣང་བ་སྲིད་པ་བསྐལ་པ་ལ་ངོ་སྤྲད
110b2 པའོ།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། ཐོག་མའི་སངས་རྒྱས་འོད་མི་འགྱུར་བ་ངོ་སྤྲད་པའི་ལེའུ་སྟེ་གཉིས་པའོ།། །། དེ་ན་སྟོན་པ་འོད་སྲུངས་ཀྱི་སྣང་བ་ན། འོད་ལྔ་སྣང་ལ་རང
110b3 བཞིན་མེད་པའོ།། ཡིད་ནི་ཇི་ལྟ་བ་དང་ཇི་སྙེད་པ་མཁྱེན་པ། ཡིད་ནི་རྣམ་ཤེས་ལྔ་མི་སྣང་ལ་རང་བཞིན་ཡོད་པའོ།། ལུས་ནི་སྣང་ལ་རང་བཞིན་མེད་པའོ།། དེའི་གདང་ལས་ཡེ་ཤེས་ལྔའི་སྣང་བ། རིགས་ལྔའི་སྣང་བ
110b4 ཁྱེའུ་ལྔ་ནི། སྣང་ལ་རང་བཞིན་མེད་པའོ།། ཡུལ་ལྔ་སྣང་ལ་རང་བཞིན་མེད་པའོ།། ཡུལ་འོད་ལྔ་སྣང་ལ་རང་བཞིན་མེད་པའོ།། ཡིད་རང་བྱུང་གི་ཡེ་ཤེས་སུ་རང་ཤར་བའོ།། དེ་ནི་སྟོན་པ་འོད་སྲུངས་ཉིད་རང་ས་ཟིན།
110b5 པ་ལ་ངོ་སྤྲད་པའོ།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མའི་ཕྱི་མ་ལས། སྟོན་པ་འོད་སྲུངས་ལ་ངོ་སྤྲད་པའི་ལེའུ་སྟེ་གསུམ་པའོ།། །། དེའི་བྱིན་རླབས་ལས། ཐུགས་རྗེའི་སྟོན་པ་རྣམ་པ་བདུན
110b6 འཁྲུངས་པ་ཡ་ཆ། འདོད་ཆགས་ཀྱི་སྟོན་པ་དང་། ཞེ་སྡང་གི་སྟོན་པ་དང་། གཏི་མུག་གི་སྟོན་པ་དང་། ང་རྒྱལ་གྱི་སྟོན་པ་དང་། ཁོང་ཁྲོའི་སྟོན་པ་དང་། ཕྲག་དོག་གི་སྟོན་པ་དང་།། དགའ་རབ་རྡོ་རྗེ་དང་བདུན་ནི།
iiif viewer powered by OpenSeadragon
