| e-texts navigator |
| Wylie |
110a1 ཐིག་ལེ་འདུས་པའི་རྒྱུད་ཕྱི་མའི་ཕྱི་མ། ཐོག་མའི་སྟོན་པ་འོད་མི་འགྱུར་བ་ལ་ཕྱག་འཚལ་ལོ།། འོད་སྲུངས་ཞེས་བྱ་བའི་སྟོན་པས།། སྟོན་པ་མར་མེ་མཛད་ལ་གདམས་པའི་རྒྱུད།། ཐོག་མ་མེད་པའི
110a2 དུས་ཉིད་ན།། སྟོན་པ་འོད་མི་འགྱུར་བ་མྱ་ངན་ལས་འདས་སོ།། དེའི་ཞལ་སྦྱིན་དུ་ཡང་འོད་སྲུངས་སྐྱེས་སོ།། ཀྱེ་སྟོན་པ་མར་མེ་མཛད་ལ་གདམས་པ་བསྟན་ཏེ།། ཐོག་མ་སངས་རྒྱས་སེམས་ཅན་དང་།། ཉི་མ་ཟླ་བའི
110a3 མིང་ཡང་མེད།། འཁྲུལ་པ་མེད་པའི་དུས་ཉིད་ན།། སྟོན་པ་གསལ་བ་ཐུགས་རྗེའི་རང་བཞིན་ཅན།། འཁྲུལ་པ་སྨིན་པའི་ཐུགས་རྗེ་ཅན།། ལྷུན་གྲུབ་གཡོ་བའི་རླུང་ཆེན་དེས།། ཐམས་ཅད་ལྷུན་གྲུབ་སྐྱོད་པར
110a4 བྱེད།། རྒྱབ་གྱེས་པ་ཡི་དུས་ཉིད་དེ།། མ་ནིང་རླུང་དུ་གཅོད་པར་བྱེད།། སྣང་བ་སྲིད་པ་བསྐལ་པ་གསུམ།། སྣང་བ་འོད་དུ་སྣང་བའོ།། སྲིད་པའི་སྒོ་ང་ལྔ་རུ་སྲིད།། བསྐལ་པ་རྣམ་པ་གསུམ་དུ་སྲིད།། ཅེས་གསུངས
110a5 སོ། རྩ་བའི་སྣང་བ་སྲིད་པའི་བསྐལ་བ་དང་།། རླུང་གི་སྣང་བ་སྲིད་པའི་བསྐལ་པ་དང་།། ཐིག་ལེ་སྣང་བ་སྲིད་པའི་བསྐལ་པ་དང་།། ང་ཡིས་ཁྱོད་ལ་ལུང་བསྟན་ནོ།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི
110a6 མའི་ཕྱི་མ་ལས། འོད་སྲུང་ཀྱི་ལུང་བསྟན་པའི་ལེའུ་སྟེ་དང་པོའོ།། །། དེ་ནས་སྟོན་པ་མར་མེ་མཛད་ཅེས་བྱ་བ་དེས། ཞུས་པ་མ་ཡིན་པར་ལུང་བསྟན་པ་འདི་ལྟར་རོ།། ཡེ་ཤེས་ཀྱི་སྣང་བ་ནི་འོད་མའི་འོད་མི
iiif viewer powered by OpenSeadragon
