| e-texts navigator |
| Wylie |
10b1 རྟོགས།། ཐ་མལ་རང་རྒྱུད་ཤེས་པ་ནི།། དཀའ་ཡི་དོན་གྱི་གྲངས་བྱས་ནས།། རྩོལ་བ་མེད་པའི་ངང་ལ་བཞག། རེ་དོགས་རྩོལ་བའི་མཐའ་རུ་མེད།། ཞེན་མེད་རང་བྱུང་སྨན་ཆེན་འདི།། འཛིན་པ་འཁོར་བའི་ནད
10b2 རྣམས་སོལ།། རང་བྱུང་རྣམ་དག་ངོ་བོ་འདི།། བགྲོད་པ་ལས་གྱིས་ཐོབ་པ་མེད།། རྩོལ་མེད་རང་བྱུང་འབྲས་བུ་ཉིད།། བགྲོད་མེད་དགོངས་པ་རང་ལ་རྫོགས།། གདོད་ནས་འཛིན་མེད་ལྷུན་གྱིས་གྲུབ།། ཁྱུང་ཆེན
10b3 ནམ་མཁར་ལྡིང་བ་བཞིན།། སྤྲོ་བསྡུ་མེད་པས་རྩོལ་བ་མེད།། ཞེན་ལ་རྩོལ་བའི་འདོད་པ་བྲལ།། བློ་ཡིས་མ་སྤྱད་རེ་འདོད་མེད།། ཤེས་རྒྱ་ཆད་ཕྱོགས་ལྷུང་མེད།། ཡེ་ཤེས་བསམ་དུ་མེད་པ་འདི།། འགྱུར་མེད་རང
10b4 བྱུང་ངོ་བོ་ཡིན།། ཞེས་གསུངས་སོ།། ཡེ་ཤེས་འཁོར་ལོ་རང་སྣང་གི་རྒྱུད་ལས།། གླེང་གཞིའི་ལེའུ་སྟེ་དང་པོའོ།། །། དེ་ནས་རྡོ་རྗེ་སེམས་དཔལ་ལ།། རིག་པའི་རྒྱལ་པོས་ཡང་གསུངས་པ།། རང་བྱུང་སྙིང
10b5 པོ་འགྱུར་མེད་ལ།། མི་འགྱུར་ཡེ་ཤེས་མཁའ་ལྟར་ཁྱབ།། ཅེས་གསུངས་སོ།། རྡོ་རྗེ་སེམས་དཔའ་ཡང་ཞུས་པ།། རང་བྱུང་ཡེ་ནས་རྣམ་དག་ལ།། འཁོར་བའི་ཤེས་པ་ཇི་ལྟར་འབྱུང་།། ཞེས་གསུངས་པ་དང་།། རིག
10b6 པའི་རྒྱལ་པོས་བཀའ་སྩལ་པ།། རང་བྱུང་ཡེ་ནས་རྣམ་དག་དང་།། མ་རྟོགས་འཁོར་བ་སྣ་ཚོགས་འབྱུང་།། ཞེས་གསུངས་སོ།། རྡོ་རྗེ་སེམས་དཔའ་ཡང་ཞུས་པ།། མ་རྟོགས་འཁོར་བ་སྣ་ཚོགས་ཏེ།། དེ་ཡིས་འཁྲུལ
iiif viewer powered by OpenSeadragon
