| e-texts navigator |
| Wylie |
10a1 པས།། རྩོལ་བྲལ་ཐེག་པའི་ངོ་བོ་འདི།། གསུང་དུ་གསོལ་ཞེས་ཞུས་པ་ལས།། རིག་པའི་རྒྱལ་པོས་བཀའ་སྩལ་པ།། རང་སྣང་རྩོལ་མེད་ཐེག་པ་འདི།། འཛིན་པའི་སྤྱོད་ཡུལ་མ་ཡིན་པས།། ཁྱོད་ཀྱི་གོ
10a2 པ་ཤིན་ཏུ་དཀའ།། ཞེས་གསུངས་སོ།། རྡོ་རྗེ་སེམས་དཔས་ཞུས་པ།། རྩོལ་བྲལ་ཐེག་པའི་མཚན་ཉིད་ཀྱི།། དེ་ཡི་རྟོགས་ཚུལ་ཇི་ལྟར་ལགས། ཞེས་ཞུས་སོ།། རིག་པའི་བདག་པོས་བཀའ་སྩལ་པ།། རྩོམ་བྲལ་ཐེག
10a3 པའི་རྟོག་ཚུལ་འདི།། འཛིན་མེད་རང་བྱུང་ངོ་བོར་རྟོགས།། ཤེས་པ་མེད་པའི་རང་བྱུང་སེམས།། གཟའ་གཏད་མེད་པའི་ངོ་བོར་རྟོགས།། རྒྱུ་རྐྱེན་མེད་པའི་བྱང་ཆུབ་སེམས།། རྒྱུ་འབྲས་མེད་པའི་ངོ་བོར
10a4 རྟོགས།། རྟོགས་པ་མེད་པའི་ངོ་བོ་འདི།། འཛིན་པའི་རྒྱུ་འབྲས་གང་ཡང་མེད།། རྩོལ་བྲལ་ཐེག་པའི་ངོ་བོ་འདི།། མཐའ་ཡས་སེམས་ཅན་ཐམས་ཅད་ལ།། དབྱེར་མེད་ཚུལ་ཚུལ་གྱིས་གནས་མོད་ཀྱང་།། གཟུང
10a5 འཛིན་བློ་ཡི་དྲི་མས་བཅིངས།། འཛིན་པའི་རྟོག་པ་རང་རྒྱུ་མཐོང་།། བསམ་བྲལ་སྣ་ཚོགས་ཞེན་པས་བསླད།། རྣམ་བྱང་ཤེས་པ་རང་གནས་པ།། ཞེན་པ་མེད་པར་མཐོང་བར་གྱིས།། བརྗོད་པ་སྙན་པ་ཉིད་དང
10a6 མཚུངས།། མ་རྟོགས་པ་ཡི་ཚིག་སྒོ་ནས།། གང་མོས་མཐུན་པའི་སྒོ་ནས་ནི།། བློ་དང་མཐུན་པར་བསྟན་པར་གྲགས།། རང་བྱུང་རྣམ་དག་ངོ་བོ་ནི།། མཚོན་བྱ་མཚོན་བྱེད་གང་ཡང་མེད།། རྩོལ་མེད་རང་བྱུང་ཉིད་ཀྱིས
iiif viewer powered by OpenSeadragon
