| e-texts navigator |
| Wylie |
109b1 དངོས་མེད་ཤེས་རབ་སྤྱན།། འདུ་འབྲལ་མེད་པ་ཡེ་ཤེས་སྤྱན།། སྤྱན་གསུམ་རང་ཆས་ཡིན་པ་ལ།། གཞན་ནས་ཐོབ་ཏུ་རེ་བ་ཡ་ཆ།། གྲོལ་བའི་དགོངས་པ་ཕྱི་ནང་གསང་བ་གསུམ།། འོད་ལས་གྲོལ་བ་ཟལ་ཐལ
109b2 ཡུལ།། ལུས་ལས་གྲོལ་བ་ཡེ་ཤེས་སྤྱན།། རིག་པ་གྲོལ་བ་ཡེ་ཤེས་ཏེ།། དེ་ནི་སོལ་བ་རྣམ་གསུམ་ཡིན།། ཞེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མ་ལས། གྲོལ་བའི་དགོངས་པ་བསྟན་པའི་ལེའུ་སྟེ་བཅོ་ལྔ
109b3 པའོ།། །། དེའི་ཚེ་དེའི་དུས་ན། རོ་ལངས་བདེ་བས།། རྡོ་རྗེ་སེམས་དཔའ་ལ་རྒྱུད་འདི་ནི་ཡི་གེ་མ་བུ་ལ་མ་བརྟེན་པས། འདི་ལ་ཚིག་ཙམ་དུ་ཇི་ལྟར་རྟགས་པར་བགྱི། ཞེས་ཞུས་པས། རྒྱུད་འདི་ནི་སྲིད
109b4 གསུམ་གསལ་བར་བྱེད་པས་ཐིག་ལེ་འདུས་པར་ཟུང་ཞིག། ཡེ་ཤེས་རབ་འབྲངས་རྡོ་རྗེའི་རྒྱུད་དུ་ཟུང་།། ཐིག་ལེ་ཟང་ཐལ་རྒྱུད་དུ་ཟུང་།། ཐིག་ལེ་རྗེས་སྟོན་རྒྱུད་དུ་ཟུང་།། ཞེས་གསུངས་པས། རོ་ལངས་བདེ་བ་རྗེས
109b5 སུ་ཡི་རང་བའི་ལེའུ་སྟེ་བཅུ་དྲུག་པའོ།། །། ཚིག་དང་ཡི་གེ་ལ་འཇམ་དཔལ་ཤྲཱི་སིང་ཧས་བྲིས་པའོ།། ངོ་བོའི་རྒྱུད། ཐུགས་རྗེའི་རྒྱུད། ཚིག་དང་ཡི་གེའི་རྒྱུད་ལ། འདི་ཚིག་དང་ཡི་གེའི་རྒྱུད་དོ།། རྫོགས
109b6 སོ།། །
iiif viewer powered by OpenSeadragon
