| e-texts navigator |
| Wylie |
109a1 པའོ།། རྟ་མཆོག་སྟོང་ཉིད་ཡེ་ཤེས་སོ།། གླང་མགོ་མེ་ལོང་ཡེ་ཤེས་སོ།། དེ་ཡང་སྤྱི་ཡི་མཚན་ཉིད་ཡིན་པ་ཡ་ཆ།། དབང་པོ་བརྒྱ་བྱིན་རབ་ལུས་ཡིན་པ་ཡ་ཆ།། ཟག་བཟངས་ཡིད་དུ་སྣང་བ་ཡ
109a2 ཆ།། ཤཱཀ་ཐུབ་སྣ་རུ་སྣང་བ་ཡ་ཆ།། ཁ་འབར་ལྕེ་རུ་སྣང་བ་ཡ་ཆ།། རྟ་མཆོག་མིག་ལ་གནས་པ་ཡ་ཆ།། གླང་མགོ་ཅན་རྣ་བ་ཡིན་པས་ཡ་ཆ།། ཐུབ་དྲུག་གཞན་ནས་ཚོལ་བ་དེ།། དེ་ཡང་ཡིད་སྨོན་བློ་ཡི་ཆོས།། ཞེས
109a3 གསུངས་སོ།། ཐིག་ལེ་འདུས་པའི་རྒྱུད་ཕྱི་མ་ལས།། ཐུབ་པ་དྲུག་ལ་ངོ་སྤྲད་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་དགའ་རབ་རྡོ་རྗེ་ཁྱོད།། སྦུབས་གསུམ་དག་ལ་ངོ་སྤྲོད
109a4 བསྟན་པ་ནི།། ཕྱི་ནང་གསང་བ་གསུམ་དུ་བསྟན།། ཅེས་གསུངས་སོ།། ཕྱི་ཡི་སྦུབས་ནི་འོད་གསལ་བ།། ལོངས་སྐུའི་སྦུབས་ནི་སྣང་བའོ།། ནང་གི་སྦུབས་ནི་རང་ལུགས་སོ།། སྣང་གསུམ་རང་རྟགས་སྣང
109a5 བའོ།། གསང་བའི་སྦུབས་ནི་རིག་པ་ལ།། ཡེ་ཤེས་གསུང་ཐུགས་རང་གྲོལ་ལོ།། ཕྱི་ཡི་སྤྱན་གསུམ་བསྟན་པ་ནི།། གཡས་པ་ཐབས་དང་གཡོན་པ་ཤེས་རབ་སྤྱན།། དབུས་ན་ཡེ་ཤེས་སྤྱན་གནས་པ།། དེ་ནི་ཕྱི་ཡི་སྤྱན
109a6 གསུམ་བསྟན་པ་ནི།། ནང་གི་སྤྱན་གསུམ་བསྟན་པ་ནི།། སྙིང་ཁར་ཐབས་ལ་དམར་པོར་ཤེས།། ཟུང་དུ་འབྲེལ་བ་ཡེ་ཤེས་སྤྱན།། གསང་བའི་སྤྱན་གསུམ་བསྟན་པ་ནི།། ཐིག་ལེ་ཡེ་གསལ་ཐབས་ཀྱི་སྤྱན།། དེ་ཉིད
iiif viewer powered by OpenSeadragon
