| e-texts navigator |
| Wylie |
108b1 མི་ཡི་ལུས་སུ་སྐྱེ།། དམིགས་བྱའི་འོད་ཟེར་ལྗང་ཁུ་ལ།། ཆགས་པས་ལྷ་དང་ལྷ་མ་ཡིན།། དམིགས་པ་རང་སྣང་འོད་ཟེར་མཐིང་ཁ་ལ།། ཆགས་པས་བྱོལ་སོང་སྐྱེས་པའོ།། དམིགས་པ་རང་སྣང་དམར་པོ་ལ།། ཆགས
108b2 པས་ཡི་དགས་སྐྱེས་པའོ།། དམིགས་པ་འོད་ཟེར་དཀར་པོ་ལ།། ཆགས་པས་དམྱལ་བར་སྐྱེས་པའོ།། སྤྱི་ཡི་མཚན་ཉིད་བསྟན་པ་ནི།། དུག་ལྔ་ཆགས་པའི་རྒྱུ་ཡིན་ཏེ།། འོད་ལྔ་འབྱུང་བ་ལྔ་པོའོ།། རང་གི་མཚན་ཉིད
108b3 བསྟན་པ་ནི།། ལུས་ནི་འོད་ཟེར་ལྗང་ཁུར་འཕྲོ།། སྣ་ནི་འོད་ཟེར་སེར་པོར་འཕྲོ།། མིག་ནི་འོད་ཟེར་མཐིང་ཁར་འཕྲོ།། རྣ་བ་འོད་ཟེར་དཀར་པོར་འཕྲོ།། ལྕེ་ནི་འོད་ཟེར་དམར་པོའོ།། དེ་ལ་ཆགས་ནས་འགྲོ་དྲུག
108b4 ལ།། རོལ་བ་འགག་མེད་བསམ་མི་ཁྱབ།། སྒོ་ལྔ་གྲོལ་ན་འོད་ལས་གྲོལ།། རྣམ་ཤེས་གྲོལ་ན་རྒྱུད་ལས་གྲོལ།། ངོ་བོ་གྲོལ་ན་གཞི་ལས་གྲོལ།། སྒོ་ལྔ་ཟང་ཐལ་ཆེན་པོ་ཡིན་པ་ཡ་ཆ།། རྣམ་ཤེས་རང་གྲོལ་ཡིན་པ་ཡ
108b5 ཆ།། དབྱེར་མེད་ཐིག་ལེ་བསམ་བྱ་མིན་པ་ཡ་ཆ།། ཞེས་གསུངས་སོ།། ཐིག་ལེ་འདུས་པ་ཕྱི་མའི་རྒྱུད་ལས། འགྲོ་དྲུག་རང་གྲོལ་ངོ་སྤྲད་པའི་ལེའུ་སྟེ་བཅུ་གསུམ་པའོ།། །། དེ་ནས་ཡང་དག་བཤད་བྱ
108b6 བ།། ཉོན་ཅིག་དགའ་རབ་རྡོ་རྗེ་ཁྱོད།། ཐུབ་པ་དྲུག་གི་ངོ་སྤྲད་པ།། དབང་པོ་བརྒྱ་བྱིན་བྱ་བ་གྲུབ་པའོ།། ཟག་བཟངས་རིས་ནི་རང་རིག་ཡེ་ཤེས་སོ།། ཤཱཀྱ་ཐུབ་པ་མཉམ་ཉིད་ཡེ་ཤེས་སོ།། ཁ་འབར་སོ་སོར་རྟོག
iiif viewer powered by OpenSeadragon
