| e-texts navigator |
| Wylie |
107a1 པ་ཞེས་སུ་གྲགས།། རིག་པ་རྣོ་ལ་གཅོད་པ་ཡ་ཆ།། འགྲུ་བ་ཟོལ་གང་སྟོན་པར་ཤར།། སྟོན་པ་འོད་སྲུངས་སུ་སྒྲ་འཁྲུངས་པ་ཡ་ཆ།། སྟོན་པ་འོད་སྲུངས་ཀྱིས་ནད་ཀྱིས་བསླུས་པ་ཡ་ཆ།། འདོད་ལ
107a2 ཆགས་སྡང་སྐྱེས་པ་ཡ་ཆ།། འདོད་ལ་ཆགས་སྡང་འཁྲུལ་པའི་རྒྱུ་རུ་འཁྲུལ་པ་ཡ་ཆ།། གཞི་འོད་གསལ་འགག་པ་མེད་པ་ཡ་ཆ།། འདོད་ལ་ཆགས་པས་ལུས་སུ་གྲུབ་པ་ཡ་ཆ།། སྐྱེ་མེད་རང་འོད་ཡིན་པ་ལ།། དཀར
107a3 དམར་ལྔ་རྒྱུར་སྣང་བ་ཡིས།། བུང་བ་མེ་ཏོག་ཕྱེ་ལེབ་མེ་རུ་རུ་སྨིག་སྦྲུས་བསླུས་པ་ཡ་ཆ།། ཞེས་གསུངས་སོ།། ཐིག་ལེ་འདུས་པ་ཕྱི་མའི་རྒྱུད་ལས། འཁྲུལ་པ་འཁྲུལ་གཞི་ལ་ངོ་སྤྲད་པའི་ལེའུ་སྟེ་དགུ
107a4 པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རོ་ལངས་བདེ་བ་ཁྱོད།། ཀུན་བཟང་ངོ་སྤྲོད་བསྟན་པ་ནི།། ཕྱི་ནང་གསང་བ་གསུམ་དུ་ངོ་སྤྲད་ཅེས་གསུངས་སོ།། ཕྱི་ཡི་ཀུན་བཟང་ངོ་སྤྲད་པ།། གྲགས་པ
107a5 སྒྲ་ཡི་ཀུན་བཟང་ངོ་།། ནང་དུ་ཀུན་བཟང་ངོ་སྤྲད་པ།། རིག་པའི་ཡེ་ཤེས་ཁོ་ནའོ།། གསང་བའི་ཀུན་བཟང་ངོ་སྤྲད་པ།། ཐིག་ལེ་གཉིས་སྣང་མེད་པའོ།། རང་གི་མཚན་ཉིད་འདི་ལྟ་སྟེ།། རྣ་བ་ཆོས་ཉིད་ཀུན་བཟང
107a6 ཕྱི།། རིག་པའི་ཤེས་རབ་ཀུན་བཟང་ནང་།། ཕྱི་ནང་མེད་པར་ཤར་བ་ལ།། ཀུན་ཏུ་བཟང་པོ་གསང་བ་སྟེ།། ཕྱི་ཆོས་ཉིད་འདོད་པ་དེས།། ཀུན་བཟང་མཐོང་བ་མེད་པ་ཡ་ཆ།། མཐོང་བ་མ་ཡིན་རང་ཆས་ཡིན་པ་ཡ
iiif viewer powered by OpenSeadragon
