| e-texts navigator |
| Wylie |
106b1 ཆ།། སྤྱད་པས་འཆལ་པ་ཡ་ཆ།། སེམས་ལ་བརྟེན་པ་ཡ་ཆ།། སེམས་ལ་བརྟེན་པའི་འབྲས་བུ་ནི།། ཆགས་སྡང་ལྔ་ཡི་ངོ་བོ་སྟེ།། འགྲོ་དྲུག་རྒྱུ་ལས་ཐར་པ་ཡ་ཆ།། ཞེས་གསུངས་སོ།། ཐིག་ལེ་འདུས་པ་ཕྱི་མའི་རྒྱུད
106b2 ལས། སེམས་ཕྱོགས་ལ་ངོ་སྤྲད་པའི་ལེའུ་སྟེ་བདུན་པའོ།། །། དེ་ནས་ཡང་དག་བཤད་བྱ་བ།། དགའ་རབ་རྡོ་རྗེ་ཁྱོད་ཉོན་ཅིག། ཨ་ཏིའི་དོན་ལ་ངོ་སྤྲད་པ།། ཨ་ནི་སྐྱེ་མེད་ཐིག་ལེ་ལ།། ཏི་ནི་འགྱུར་མེད་འོད
106b3 གསལ་བས།། ཨ་ནི་སྣང་ལུགས་ཆེན་པོ་སྟེ།། ཏི་ནི་ཆོས་ཉིད་སྣང་ལུགས་སོ།། སྣང་བ་འོད་གསལ་ཐོགས་རྡུགས་མེད།། རིག་པ་འགྱུར་མེད་རང་བཞིན་སྣང་།། སྐྱེ་མེད་རྟོགས་པའི་རྣལ་མ་ལ།། ངང་གིས་མ་བཅོས
106b4 ཆོས་སྐུར་གསལ།། རིག་པ་འགྱུར་མེད་ཏི་རུ་སྣང་།། སྐྱེ་བ་མེད་པས་ཨ་རུ་སྣང་།། ཏི་ནི་ཡིན་པར་གསལ་བར་ཡ་ཆ།། ཨ་ནི་སྐྱེ་བ་མེད་པ་ཡ་ཆ།། ཏི་ནི་འོད་གསལ་འགག་པ་མེད་པ་ཡ་ཆ།། ཞེས་གསུངས་སོ།། ཐིག
106b5 ལེ་འདུས་པ་ཕྱི་མའི་རྒྱུད་ལས། ཨ་ཏི་ལ་ངོ་སྤྲད་པའི་ལེའུ་སྟེ་བརྒྱད་པའོ།། །། དེ་ནས་ཡང་དག་བཤད་བྱ་བ།། དགའ་རབ་རྡོ་རྗེ་ཁྱོད་ཉོན་ཅིག། འཁྲུལ་པའི་གཞི་ལ་ངོ་སྤྲད་པ་ནི།། ཐོག་མ་མེད་པ་དུས་ཀྱི
106b6 དབྱིངས།། སྒྲུབ་རྩལ་མིང་ཡང་མ་གྲུབ་པའི།། ཆོས་དབྱིངས་དམ་པ་ཟད་མེད་པའི།། རོལ་པ་ལ་འགགས་པ་མེད་པ་ལས།། རང་ཤར་ཆེན་པོའི་སྟོན་པ་འཁྲུངས་པ་ཡ་ཆ།། རང་ཤར་ཆེན་པོའི་སྟོན་དེ། རྣོན་པོའི་སྟོན
iiif viewer powered by OpenSeadragon
