| e-texts navigator |
| Wylie |
106a1 པས།། ཐམས་ཅད་རང་ལ་རྫོགས་པར་འདོད། ཐིག་ལེ་བརྟུལ་ཁྱབ་ངོ་སྤྲད་པས།། སྐྱོན་དང་ཡོན་ཏན་རྣམ་རྟོག་ནི། ཐམས་ཅད་རང་ལ་རྫོགས་པར་འདོད།། བསྒོམ་བྱ་སྒོམ་བྱེད་སུན་འདོན་ཏེ།། སོ་སོ
106a2 སྐྱེ་བོར་གོལ་ཏེ་ཡ་ཆ།། སྐྱོན་དང་ཡོན་ཏན་རྣམ་བཏགས་ཏེ།། སྐྱོན་ཡོན་ཕྱེ་བ་མེད་པས་ལུང་མ་བསྟན།། ཅེས་གསུངས་སོ།། ཐིག་ལེ་འདུས་པའི་རྒྱུད་ཕྱི་མ་ལས། རྫོགས་པ་ཆེན་པོ་ལ་ངོ་སྤྲད་པའི་ལེའུ་སྟེ་དྲུག
106a3 པའོ།། །། དེ་ནས་ཡང་དག་བཤད་བྱ་བ།། ཉོན་ཅིག་རོ་ལངས་བདེ་བ་ཆེན་པོ་ཁྱོད།། སེམས་ཕྱོགས་ངོ་སྤྲད་བསྟན་པ་ནི།། སེམས་ཅན་ཆུ་དང་འདྲ་སྟེ་ཐམས་ཅད་སྡུད།། རིག་པ་མེ་དང་འདྲ་སྟེ་ཐམས་ཅད
106a4 གཅོད།། ཤེས་རབ་རླུང་དང་འདྲ་སྟེ་དངོས་མེད་གྲོལ།། སེམས་ནི་དབུགས་ལ་རྟེན་ཏེ་མཆི།། རིག་པ་ཡིད་ལ་གནས་ཏེ་རང་བྱུང་ཤེས།། སྐྱེ་འཆི་མེད་པས་རང་བྱུང་ཡིན།། སེམས་ལ་སངས་རྒྱས་རེ་བ་ཕུང་བ་ཡ
106a5 ཆ།། རིག་པ་སྐྱེ་འཆི་མེད་པ་ཡ་ཆ།། སེམས་ཀྱི་སྣང་བ་འབྱུང་ལྔ་ཡིན་པས་ཡ་ཆ།། འབྱུང་ལྔ་འཆག་འཇིག་ཡོད་པ་ཡ་ཆ།། རིག་པའི་སྣང་བ་འོད་ལྔ་ཡིན་པ་ཡ་ཆ།། འོད་ལ་ཐོག་རྡུག་མེད་པ་ཡ་ཆ།། སེམས་ནི་ཆགས
106a6 སྡང་ལྔ་ལ་བརྟེན་པ་ཡ་ཆ།། རིག་པ་ཡེ་ཤེས་ལྔ་ལ་གནས་པ་ཡ་ཆ།། སེམས་ནི་སྐྱེ་འགག་ཡོད་པ་ཡ་ཆ།། རིག་པ་འདུ་འབྲལ་མེད་པ་ཡ་ཆ།། སེམས་ལ་ཡེ་ཤེས་ཟེར་ནས་བསྒྲུབ་པ་ཡ་ཆ།། བསྒྲུབས་པས་གོལ་བ་ཡ
iiif viewer powered by OpenSeadragon
