| e-texts navigator |
| Wylie |
104b1 པོའོ།། །། དེ་ནས་ཡང་དག་བཤད་བྱ་བ།། ཉོན་ཅིག་ཐུགས་རྗེ་འགྲོ་བའི་མགོན།། ཐིག་ལེ་འདུས་པའི་ཕྱི་རྒྱུད་འདི།། ཐེག་པ་ཐམས་ཅད་ཀྱི་ཡང་རྗེ།། ལྟ་བ་ཐམས་ཅད་ཀྱི་ཡང་རབ།། ལུང་ཐམས་ཅད་ཀྱི
104b2 རྒྱལ་པོ། རྒྱུད་ཐམས་ཅད་ཀྱི་སྤྱི་འགྲེལ། མན་ངག་ཐམས་ཅད་ཀྱི་བཅུད་ཕྱུང་བ། ཐེག་པ་ཐམས་ཅད་ཀྱི་ཡང་རྩེའི། གདམས་པ་མཐར་ཐུག་རྗེན་པར་སྟོན་པའོ།། ཞེས་གསུངས་སོ།། དེའི་ཚེ་རོ་ལངས་བདེ་བ་རྗེས་སུ
104b3 ཡི་རང་ནས། གདམས་པའི་དོན་འདི་བཤད་དུ་གསོལ།། ཅེས་ཞུས་པས། ཐེག་པ་ཀུན་གྱི་ཡང་རྩེ་ནི།། རྒྱུད་ལུང་ཐམས་ཅད་ཀྱི་དོན་དམ་འདིའོ།། རྡོ་རྗེ་སེམས་དཔའ་ངོ་བོས་བཤད།། རྒྱུད་ལུང་ཐམས་ཅད་བརྡ་ཡི
104b4 དོན།། དོན་འདི་རྟོགས་ན་ཐེག་པ་ཐམས་ཅད་ཀྱི་ཡང་རྩེའོ།། ལྟ་བ་ཐམས་ཅད་ཀྱི་ཡང་རབ་ནི། ཐེག་པ་འོག་མ་པ་ལ་སོགས་པ་གཞན་ནི་དམིགས་ཡུལ་ཡིན། འདི་ནི་དམིགས་པར་བྱ་བའི་ཡུལ་མིན་པས།། བསམ
104b5 པའི་ཡུལ་ལས་གྲོལ་བ་ཡི།། རིག་པའི་ཡེ་ཤེས་རང་དུ་འཆར།། དེས་ན་ལྟ་བ་ཐམས་ཅད་ཀྱི་ཡང་རབ།། ལུང་ཐམས་ཅད་ཀྱི་རྒྱལ་པོ་ནི། ལུང་ནི་ཨ་ནུ་ཡོ་ག་ལ་བྱ་སྟེ། ལུང་དེ་འཛིན་པའི་དོན་རིག་པའི་ཡེ་ཤེས་སུ
104b6 འདུས་པས། དེས་ན་ལུང་ཐམས་ཅད་ཀྱི་ཡང་རབ་བོ།། རྒྱུད་ཐམས་ཅད་ཀྱི་སྤྱི་འགྲེལ་ནི། ཏནྟ་སྡེ་བསམ་གྱིས་མི་ཁྱབ་ཀྱང་། ཐིག་ལེའི་དོན་འདུ་འབྲལ་མེད་པས་ན། རྒྱུད་ཐམས་ཅད་ཀྱི་སྤྱི་འགྲེལ་ལོ།། མན
iiif viewer powered by OpenSeadragon
