| e-texts navigator |
| Wylie |
104a1 མགུ་རྗེས་སུ་ཡི་རང་ངོ་།། རྫོགས་སོ།། །། @#།། ཐིག་ལེ་ཉག་གཅིག་སྐུ་ལ་ཕྱག་འཚལ་ལོ།། ཤིན་ཏུ་རྣལ་འབྱོར་བརྒྱུད་པའི་རྒྱུད།། མན་ངག་ཐིག་ལེ་ཕྱི་རྒྱུད
104a2 ལས།། ཐིག་ལེ་ཉག་གཅིག་བསྟན་པ་ནི།། སྟོན་པ་ཀུན་ཏུ་བཟང་པོ་ཡིས།། རྡོ་རྗེ་སེམས་དཔའ་ཉིད་ལ་བཤད།། དེ་ནས་དགའ་རབ་རྡོ་རྗེ་ལ།། ཚིག་རྒྱུད་གསལ་བར་བྱེད་པའི་དོན།། བྱིན་གྱིས་བརླབས་ཀྱིས་བཤད
104a3 པའི་དོན།། ཆོས་ཀྱི་དབྱིངས་དང་འོག་མིན་གནས།། རྡོ་རྗེ་གདན་དུ་གསུངས་པའི་རྒྱུད།། ཉིད་ལས་མི་ཞན་རྒྱལ་སྲས་སྤྲུལ།། དབང་མེད་དད་པས་འདུས་པའི་འཁོར།། ངོ་བོ་ཉིད་ཀྱི་བསྟན་པ་དང་།། ཐུགས་རྗེ་རང
104a4 ཤར་བསྟན་པ་དང་།། ཐ་དད་མོས་པའི་བསྟན་པ་དང་།། རང་སྣང་འབྱེད་པ་མེད་པའི་དུས།། ཐུགས་རྗེ་འགག་པ་མེད་པའི་དུས།། འགྲོ་བ་མེད་པའི་དུས་གསུམ་དུ།། ཐིག་ལེ་འདུས་པའི་རྒྱུད་དུ་བསྟན་པའོ།། ཞེས
104a5 གསུངས་སོ།། དེ་ནས་རོ་ལངས་བདེ་བ་ཡིས།། རྡོ་རྗེ་སེམས་དཔའ་ལ། ངོ་སྤྱོད་རྒྱུད་ཕྱི་མ་དང་། ཕྱི་མའི་ཕྱི་མ་རྣམས་སུ་བཤད་པའོ།། ངོ་སྤྱོད་སྦས་པ་བདག་ལ་ཞུ།། ཞེས་གསུངས་སོ།། དེའི་ཚེ་དེའི་དུས་ན། རྣལ
104a6 འབྱོར་དབང་ཕྱུག་དགའ་རབ་རྡོ་རྗེ་ལ།། རྡོ་རྗེ་སེམས་དཔས་ལུང་བསྟན་པའི་རྒྱུད།། དམ་པའི་ངོ་སྤྲོད་ཡང་དག་བཤད།། ཅེས་གསུངས་སོ།། ཐིག་ལེ་འདུས་པའི་ཕྱི་མའི་རྒྱུད་ལས། གླེང་གཞིའི་ལེའུ་སྟེ་དང
iiif viewer powered by OpenSeadragon
