| e-texts navigator |
| Wylie |
103a1 པའོ།། །། ཐིག་ལེ་ཉམས་ཀྱི་མན་ངག་བསྟན་དུ་གསོལ།། ཅེས་ཞུས་པས། བཀའ་སྩལ་པ། གཞིའི་ཐིག་ལེ་འགག་པ་མེད་པ།། ལས་ཀྱི་ཐིག་ལེ་རང་རྩལ་ཡིན།། འཁྲུལ་པའི་ཐིག་ལེ་རང་སྣང
103a2 ཡིན།། རང་གྲོལ་ཐིག་ལེ་ཤེས་རབ་ཆེན་པོ་ཡིན།། འབྲས་བུའི་ཐིག་ལེ་ཁྱབ་བརྡལ་ཡིན།། ཞེས་གསུངས་སོ།། ཐིག་ལེ་ཉག་གཅིག་གསང་བ་ཡང་གཏེར་གྱི་རྒྱུད་ལས། ཐིག་ལེ་གཏན་ལ་དབབ་པའི་ལེའུ་སྟེ་བཅུ
103a3 པའོ།། །། ཡང་ཞུས་པ། བསྒྲུབ་པ་བྱ་ཐབས་ཀྱི་མན་ངག་བསྟན་དུ་གསོལ།། ཅེས་ཞུས་པས། བཀའ་སྩལ་པ། ཐབས་ཀྱི་རྣམ་པ་བཞི་ཡིན་ཏེ།། ཤེས་རབ་ཐབས་ལ་བརྟེན་པས་འགྲུབ།། ཐབས་ལ་འཚེང་བ
103a4 རྣམ་པ་བཞི་བྱུང་སྟེ།། བྱེད་པ་པོར་རྒྱུར་ལྟ་བ་ལས་ལོག་སྟེ།། ཤེས་རབ་ཀྱི་ཡེ་ཤེས་ངོས་བཟུང་བས་འཚེངས།། མངོན་པར་ཤེས་པ་ལས་ལོག་སྟེ། ཡེ་ཤེས་ཟང་ཐལ་ཐིག་ལེ་ཉག་གཅིག་ཏུ་ཤེས་པས་འཚེངས། རང
103a5 བཞིན་རྒྱུར་ལྟ་བ་ལས་ལོག་སྟེ། རིག་པར་རང་གྲོལ་དུ་རྟོགས་པས་འཚེངས། ཆད་པ་རྒྱུར་ལྟ་བ་ལས་ལོག་སྟེ། རང་བྱུང་ཡེ་ཤེས་ལམ་དུ་སློངས་པས་འཚེངས་ཞེས་གསུངས་སོ།། ཡང་གཏེར་ལས། བསྒྲུབ་བྱ་ཐབས
103a6 ཀྱི་གདམས་ངག་བསྟན་པའི་ལེའུ་སྟེ་བཅུ་གཅིག་པའོ།། །། ཡང་ཞུས་པ་ཐབས་དང་ཤེས་རབ་གདམས་ངག་བསྟན་དུ་གསོལ།། ཅེས་ཞུས་པས། བཀའ་སྩལ་པ། ཐབས་དང་ཤེས་རབ་ལམ་དུ་བཀྱེར་བ
iiif viewer powered by OpenSeadragon
