| e-texts navigator |
| Wylie |
102a1 པས་ཕུང་བའི་ལེའུ་སྟེ་ལྔ་པའོ།། །། ཡང་ཞུས་པ། ནང་པའི་གདམས་ངག་བསྟན་དུ་གསོལ།། ཅེས་ཞུས་པས། བཀའ་སྩལ་པ། རྩ་རླུང་ཐིག་ལེ་གདམས་པ་དང་།། སྣ་རྩ་གསུམ་གྱི་གདམས་པ
102a2 དང་།། བརྟུལ་ཞུགས་སྤྱོད་པའི་གདམས་པ་དང་།། ཆོས་འབྱུང་མཛོད་ཀྱི་གདམས་པ་དང་།། ཐིག་ལེ་ཉམས་ཀྱི་གདམས་པ་དང་།། བསྒྲུབ་བྱ་ཐབས་ཀྱི་གདམས་པ་དང་།། ཐབས་དང་ཤེས་རབ་གདམས་པ
102a3 དང་།། མཐར་ཐུག་འབྲས་བུའི་གདམས་པ་དང་།། བྱིན་བརླབ་དབང་གི་ནུས་པ་བཤད་པར་བྱ།། ཞེས་གསུངས་པས།། དེ་ལ་རྩ་རླུང་ཐིག་ལེ་གདམས་པ་དག་བཤད་པ་ནི། གནས་པ་རྩའི་དབང་དུ་བྱས་ནས་བཤད
102a4 ན། རྩ་བྱེ་བ་ཕྲག་བརྒྱར་གནས་ཀྱང་། མིང་དུ་བཏགས་པ་རྩ་སྟོང་ཕྲག་དྲུག་ཅུ་རྩ་བཞིར་གནས། དེ་ཡང་བསྡུས་ན་འཁོར་ལོ་བཞི་དང་། རྩ་འདབ་བརྒྱ་ཉི་ཤུར་འདུས། དེ་ཡང་གསུམ་དུ་འདུས། རྐྱང་མ་རོ་མ་ཀུན་དར
102a5 རོ།། དེ་ཡང་ཨ་བ་དྷཱུ་ཏིར་འདུས་ཏེ། དེ་ལ་མི་རྟོག་པའི་ཡེ་ཤེས་གནས་བདེ་སྐྱེ་བར་བྱ་བའི་ཕྱིར། རླུང་གིས་རྩ་འགེངས་པས་ན། གཡོ་བ་རླུང་གི་དབང་དུ་བཤད་ན། སྤྱིར་དབུགས་ཉི་ཁྲི་ཆིག་སྟོང་དྲུག་བརྒྱ་འགྱུ་ཡང་།
102a6 རླུང་གསུམ་དུ་འདུས། དྲངས་སྙིགས་འབྱེད་པའི་རླུང་། ཤེས་པ་རྟེན་སྲོག་འཛིན་པའི་རླུང་། ལུས་ཟུངས་བཅུད་ཀྱི་རླུང་ངོ་།། དྭངས་སྙིགས་འབྱེད་པའི་རླུང་ནི་ཕོ་བ་ཁ་ན་གནས། རྒྱུ་བ་གྱེན་དུ་རྒྱུ།། ཟས་དྭངས་སྙིགས
iiif viewer powered by OpenSeadragon
