| e-texts navigator |
| Wylie |
101b1 མཆེད།། དེ་ནི་དཔྲལ་གྱི་མིག་ལྟར་ལྷ།། དེ་ནི་ནང་གི་མཆེད་ལྕམ་མོ།། ངོ་སྤྲོད་བྱས་པ་ཡེ་ཤེས་མཆེད།། དེ་ནི་རིན་ཆེན་སྲོག་ལྟར་ལྟ།། དེ་ནི་གསང་བའི་མཆེད་གསུམ་ཡིན།། ཞེས་གསུངས་སོ།། ཐིག་ལེ་ཉག་གཅིག
101b2 གསང་བ་ཡང་གཏེར་གྱི་རྒྱུད་ལས།། སློབ་མའི་མཚན་ཉིད་བསྟན་པའི་ལེའུ་སྟེ་བཞི་པའོ།། །། ཡང་ཞུས་པ། གདམས་པའི་མན་ངག་བསྟན་དུ་གསོལ།། ཞེས་གསོལ་པས། བཀའ་སྩལ་པ། གདམས་པ་ལ་ནི
101b3 རྣམ་གཉིས་ཏེ།། ཕྱི་བ་དང་ནི་ནང་པའོ།། ཕྱི་ཡི་མཚན་ཉིད་བསྟན་པར་བྱ།། མུ་སྟེགས་ལྟ་བ་སུམ་བརྒྱ་དྲུག་ཅུ་ཡང་།། ཕུང་པོ་བཞི་རུ་འདུས་པས་ཏེ།། སྔ་མ་རྗེས་དཔག་ཤེས་པ་དང་།། ད་ལྟའི་རྗེས་སུ་དཔག་པ
101b4 དང་།། ཕྱི་མ་རྗེས་སུ་དཔག་པ་དང་།། མངོན་སུམ་རྗེས་དཔག་ཤེས་པས་ཕུང་།། དེ་ཡང་བསྡུས་ནས་སྔ་མ་ལས།། ལྟོ་ས་བརྒྱ་དང་ཉི་ཤུ།། ད་ལྟ་ལས་ལྟོས་བརྒྱ་དང་ཉི་ཤུ།། ཕྱི་མ་ལ་ལྟོས་བརྒྱ་ཉི་ཤུ་སྟེ།། སུམ་བརྒྱ
101b5 དྲུག་ཅུ་ཡིན།། དེ་ཡང་དྲུག་ཅུ་གཉིས་སུ་འདུས་པ་སྟེ།། རྟག་པ་དང་ནི་ཆད་པའོ།། དེ་ཡང་བསྡུས་ན་ཕུང་པོ་རྣམ་བཞི་སྟེ།། མངོན་པར་ཤེས་པས་ཕུང་བ་དང་།། རྒྱུ་ལ་གསུམ་གྱི་ཕུང་བ་དང་།། རྟག་ཆད་གཉིས་ཀྱི་ཕུང
101b6 བ་དང་།། དཀའ་ཐུབ་དག་གི་ཕུང་པོའོ།། རྒྱུ་ལྟས་ས་གསུམ་གྱི་ཕུང་པོ་ནི།། ཕྱི་དང་རང་བཞིན་དངོས་པོའི་སྡང་བ་འདི་ལ་རྒྱུ་ལྟས་ཕུང་།། ཐིག་ལེ་ཉག་གཅིག་གསང་བ་ཡང་གཏེར་གྱི་རྒྱུད་ལས། ཕྱི་རོལ་པ་དོན་ལོག
iiif viewer powered by OpenSeadragon
