| e-texts navigator |
| Wylie |
63b1 དངོས་པོའི་འཛིན་པས་བཅིངས།། དབྱིངས་སུ་བབ་པའི་གདམས་ངག་བསྟན།། དབུ་མ་བདེན་པ་རེ་འཇོག་པས།། དབྱེར་མེད་ཟུང་འཇུག་གདམས་ངག་བསྟན།། ཀྲི་ཡ་དག་པའི་ཆོས་ཉིད་ཀྱིས།། རང་ཉིད་བཅིངས
63b2 ནས་གནས་པ་ལ།། གཞི་ཅིག་པ་ཡིས་གདམས་ངག་བསྟན།། ཨུ་པ་ཡ་ནི་ཐ་དད་པ།། ལྟ་སྤྱོད་ཡ་གལ་བདུད་ཀྱིས་བཅིངས།། ལྟ་སྤྱོད་ཟུང་འབྲེལ་གདམས་ངག་བསྟན།། ཡོ་ག་བྱིན་བརླབས་ཆོ་འཕྲུལ་གྱིས།། རང
63b3 ཉིད་བཅིངས་ནས་གནས་པ་ལ།། རང་ཉིད་བྱིན་བརླབས་ངོ་བོ་ལ།། རང་ལ་ཡོད་པའི་དངོས་གྲུབ་བསྟན།། མ་ཧཱ་ཏིང་འཛིན་རིམ་པས་འཇུག། གོང་འོག་རྩོལ་བས་བཅིངས་པ་ལ།། བཟང་ངན་མེད་པའི་གདམས་ངག
63b4 བསྟན།། ཨ་ནུ་སྐད་ཅིག་ལྷར་གསལ་རྩོལ།། རིག་པ་རྟེན་མེད་ཡུལ་མེད་བསྟན།། གནས་སྐབས་གདམས་ངག་གྲང་ཐད་ལ།། གཟེར་ལྔ་ལྔ་ཡི་གདམས་ངག་བསྟན།། རྒྱ་ཞོ་མནན་དང་བྲེ་ཁ་བཅད།། རྒྱ་མ་ཆད་དེ
63b5 ཕྱོགས་མ་ལྷུང་།། འགྲོ་དྲུག་སྣང་བ་རང་གི་སེམས།། རང་སེམས་སངས་རྒྱས་ཡིན་པར་བཤད།། གྲོལ་མཐར་འཁོར་ལྡོག་བསྟན་པ་ལ།། རང་བཞིན་གནས་དང་ཏིང་འཛིན་དང་།། རྨི་ལམ་སྐྱེ་ཤིའི་བར་དོ་དང་།། སྲིད
63b6 པ་བར་དོ་ཐོག་མཐའ་བཅད།། གནས་པའི་བར་དོའི་མཚན་ཉིད་ནི།། ངོ་བོ་འགྱུར་མེད་སྟོང་པ་སྟེ།། རང་རྒྱུད་འཛིན་པའི་ཞེན་པ་གྲོལ།། རྒྱུ་དང་རྐྱེན་གྱིས་མ་བསྐྱེད་པ།། རང་བྱུང་བས་ན་རག་མ་ལུས།། ཕྱའམ་དབང
iiif viewer powered by OpenSeadragon
