| e-texts navigator |
| Wylie |
63a1 འཁྲུལ་པ་ཕྲ་རགས་བསྐྱེད།། ཡུལ་ནི་ཅི་ཡིན་དག་ཏུ་འདུག། ཤེས་པ་ཅི་ཡིན་དག་ཏུ་སྐྱེས།། ཤེས་པ་ཅི་ཡིན་དེ་དག་ལ།། ཡུལ་ནི་ཅི་ཡིན་དག་གི་བསྒྲིབས།། ཕྲ་བ་དག་གི་འཛིན་པ་སྐྱེས།། ཀུན་ཏུ་ཚོལ
63a2 བའི་ཡིད་ཅེས་བྱ།། ཡུལ་ནི་ཡིད་མེད་དག་ཏུ་འདུག། ཤེས་པ་ཡིན་མིན་དག་ཏུ་སྐྱེས།། ཡུལ་ནི་ཡིན་མིན་གཉིས་ཀྱིས་བསྒྲིབས།། གཏན་ལ་འབེབས་པའི་ཡིད་ཅེས་བྱ།། ཡུལ་ནི་ཡིན་ངེས་དག་ཏུ་འདུག། ཤེས་པ་ཡིན།
63a3 ངེས་དེ་དག་ལ།། ཡུལ་ནི་ཡིན་ངས་དག་གིས་སྒྲིབས།། ངེས་པ་འཇོག་པའི་ཡིད་ཅེས་བྱ།། འཁྲུལ་པ་ཤིན་ཏུ་རགས་པར་བསྐྱེད།། འཁྲུལ་པ་བག་ཆགས་ལུས་དག་སྟེ།། དེ་དག་ཡེ་གྲོལ་ཡིན་མོད་ཀྱང་།། གཞི་ལ་ཞེན
63a4 པར་བྱས་ཏེ་བཞག། དེ་ལས་འཁྲུལ་པ་ཤ་ཁྲག་ལུས།། འགྲོ་བ་རིག་དྲུག་རྟག་ཏུ་འཁོར།། ལྷ་དང་དམྱལ་བ་ཡི་དྭགས་དང་།། བྱོལ་སོང་མི་དང་ལྷ་མིན་དྲུག། རྟག་ཏུ་འཁོར་བར་གནས་པ་ཡིན།། སོ་སོ་སྐྱེ་བོ་མི་ཤེས
63a5 པ།། ཐོས་པ་གསུམ་པོ་སྤངས་པའི་ཕྱིར།། སྐུ་གསུམ་ལས་ནི་རང་དུ་འགྱུར།། སྐྱེ་བོ་ཞེན་རྟོག་ཐུག་མེད་རྩོལ།། གང་འཐད་ཞེན་མེད་གདམས་ངག་བསྟན།། མུ་སྟེགས་མཐའ་འཛིན་བཅིངས་པ་ལ།། མཐའ་མེད་པའི
63a6 གདམས་ངག་བསྟན།། ཉན་ཐོས་གཟུང་འཛིན་དག་གིས་བཅིངས།། གཉིས་མེད་པ་ཡི་གདམས་ངག་བསྟན།། ང་རྒྱལ་རྟེན་འབྲེལ་འཛིན་པས་བཅིངས།། འཛིན་པ་གཅོད་པའི་གདམས་ངག་བསྟན།། སེམས་ཙམ
iiif viewer powered by OpenSeadragon
