| e-texts navigator |
| Wylie |
62b1 གྱིས།། གཞི་ནས་འདུལ་ཚུལ་གཉིས་ཡིན་ཏེ།། གཞན་དགག་རང་གཞུང་སྒྲུབ་ཚུལ་གཉིས།། གཞི་མ་གྲུབ་དང་མ་གྲུབ་དང་།། ངོ་བོ་གཅིག་ལ་ཚུལ་གྱི་ཐ་དད་དམ།། གཉིས་ཀའི་རང་བཞིན་དོར་བ་ཉིད་དུ
62b2 བསྟན།། རང་གཞུང་གྲུབ་པའི་གཞི་དག་ནི།། རྒྱ་ཞེས་མནན་དང་བྲེ་ཁ་བཅད།། དཔེ་ཡིས་ངེས་པར་མཚོན་པ་ཡིན།། རང་བཞིན་འོད་ཀྱི་འདུག་ཚུལ་ནི།། རྒྱ་མ་ཆད་དེ་ཕྱོགས་མ་ལྷུང་།། མཐར་མ་རེད་དེ་འགྱུར་བ
62b3 མེད།། རང་བཞིན་ནམ་མཁའ་དག་པ་ལྟར།། སངས་རྒྱས་སེམས་ཅན་མཉམ་པར་གནས།། ཞེས་གསུངས་སོ།། ཡང་རྡོ་རྗེ་སེམས་དཔས་ཞུས་པ།། འཁྲུལ་པའི་འཁྲུལ་ཚུལ་ཇི་ལྟར་ལགས།། ཀུན་ཏུ་བཟང་པོས་བཀའ
62b4 སྩལ་པ།། ལྷན་ཅིག་སྐྱེས་དང་ཀུན་ཏུ་བཏགས།། འགྱུར་བ་མེད་ལས་ཡིད་ཙམ་འགྱུས།། གཡོ་བ་མེད་ལས་ཡིད་ཙམ་གཡོས།། འགྲོ་བ་རིགས་དྲུག་རྟག་ཏུ་འཁོར།། འཁོར་བར་འཇུག་པ་ལྔ་འཁྲུལ་ལས།། སྣང་བཞི།
62b5 འོད་དང་འདེགས་པའི་ལུས།། གཅོད་པའི་ལུས་དང་དངོས་པའི་ལུས།། ཤ་ཁྲག་འཁྲུལ་པའི་ལུས་སུ་བྱུང་།། འཁོར་བར་འཇུག་པའི་འཁྲུལ་འཁོར་ཡིན།། འདེགས་པ་ཡིད་ཀྱི་རླུང་དག་ནི།། གཡོ་བ་མེད་ལས་ཡིད
62b6 ཙམ་གཡོས།། འགྱུ་བ་མེད་ལས་ཡིད་ཙམ་འགྱུས།། གཅོད་པ་ཡིད་ཀྱི་ལུས་དག་ནི།། ཀུན་ཏུ་ཚོལ་བའི་ཡིད་དག་དང་།། གཏན་ལ་ཕེབས་པའི་ཡིད་དག་ནི།། ངེས་པར་འཇོག་པའི་ཡིད་དང་གསུམ།། གསུམ་གྱིས
iiif viewer powered by OpenSeadragon
