| e-texts navigator |
| Wylie |
59b1 བའི་སྔགས།། མདོ་ལྔ་སྙིང་པོའི་རྒྱུད་ལས།། གོལ་སྒྲིབ་རྣམ་པར་དབྱེ་བའི་ལེའུ་སྟེ་བཞི་པའོ།། དེ་ནས་ཡང་སྟོན་པ་ཀུན་ཏུ་བཟང་པོ་ལ།། རྣལ་འབྱོར་ཆེན་པོ་རྡོ་རྗེ་སེམས་དཔས་འདི་སྐད་ཅེས་གསོལ་ཏོ།། དེ་དོན་དེ
59b2 ཡི་རང་བཞིན་ནི།། མི་འགྱུར་དབྱེར་མེད་དབྱེ་བ་དག། སྙིང་པོའི་དོན་ལ་འཇུག་པའི་ཕྱིར།། དེ་དོན་གསལ་བ་བསྟན་པར་ཞུ།། ཞེས་གསོལ་བ་དང་།། སྟོན་པ་ཀུན་ཏུ་བཟང་པོས་འདི་སྐད་ཅེས་བཀའ་སྩལ་ཏོ།། ཆ
59b3 ཤས་གསེས་པའི་ཡུལ་དང་བྲལ།། མཚན་མར་མི་འགྱུར་ནམ་མཁའ་འདྲ།། ཐ་དད་མེད་ཅིང་དབྱེ་དང་བྲལ།། དེ་ལ་སྐབས་ཀྱིས་དབྱེ་བ་དང་།། འགྱུར་མེད་རྩོགས་ཚུལ་རྣམ་པ་ཀུན།། ཆོས་ཚུལ་མི་བཟད་ནམ་མཁའ
59b4 བཞིན།། ཡེ་ནས་མ་སྐྱེས་དམིགས་པ་མེད།། རྫོགས་པ་ཆེན་པོའི་རྒྱའོ།། ཡེ་ནས་བཙལ་མེད་ལྷུན་གྱིས་གྲུབ།། རྒྱུ་ཡི་དོན་དང་མངོན་སངས་རྒྱས།། གང་གིས་གང་ལ་ཐ་དད་མེད།། གཉིས་པ་མེད་པའི་ཆེ་བའོ།། ངོ་བོ
59b5 ཉིད་ཀྱིས་སྒྲིབ་པ་དག། འོད་གསལ་ལྷུན་གྲུབ་བཙལ་དང་བྲལ།། ཡེ་ནས་རྒྱུད་ལས་མ་སྐྱེས་པ།། བརྗོད་དུ་མེད་ཅིང་ཐོས་དང་བྲལ།། འོད་ཀྱི་སྟོབས་ཀྱི་རྣམ་པར་གསལ།། ཐམས་ཅད་ཀུན་ཏུ་བཟང་པོའི
59b6 བརྒྱན།། རང་བཞིན་ཅི་ཡང་མ་ཡིན་པས།། མི་བཙལ་བྱ་བའི་ཡུལ་ལས་འདས།། ཐམས་ཅད་ཡེ་ནས་མངོན་སངས་རྒྱས།། ཐོབ་མེད་རེ་སྨོན་ཡུལ་ལས་འདས།། རྒྱུ་རྐྱེན་གཞན་ལ་མི་ལྟོས་ཤིང་།། རིག་པའི་ཡེ་ཤེས
iiif viewer powered by OpenSeadragon
