| e-texts navigator |
| Wylie |
164a1 ལས་རང་བྱིན་བརླབ་པ་ནི།། འཁྲུལ་པའི་འདུ་བྱེད་ཁྱད་པར་གནས་པ་ལ།། རྒྱ་ཡིས་གདབ་དང་ཁུངས་སུ་བཙུད་པ་ཡིས།། དེ་མ་ཡིན་ལས་དེ་ཡི་སྣང་ཤར་བ།། དེ་ལ་ལུས་གནད་སེམས་གནས་མཐའ
164a2 ལ་གནས་པས་བདག། འཁོར་དུས་འབྲེལ་དུས་རང་གནས་པས་སྤྱད།། མིང་གི་གནས་པས་འདི་དང་མཉམ་པར་སྦྱར།། ཆོས་གནས་དེ་ལ་གང་ཟག་གནས་པས་ཤེས།། གནས་ཐབས་གསུམ་གྱི་གནས་པ་སྦྱར་བ
164a3 ཉིད།། དེ་ཡི་གནས་པ་མགོན་པོས་གནས།། འདི་ལས་འགྱུར་བའི་ས་མེད་ཁོ་ནའོ།། གོང་མའི་ཟླ་མཐོང་གསང་བས་ཆེ་བ་དང་།། དང་པོ་ལས་ཀྱི་གྲངས་ཀྱིས་ཆེ་བ་དང་།། ཡེ་ནས་གནས་པས་རང་བཞིན་ཆེ་བ
164a4 དང་།། སྔ་མ་ལས་འགྱུར་དོན་གྱི་ཆེ་བ་ཉིད།། རང་གིས་མཐོང་དང་གཞན་ལ་བསླབས་པ་ཡིས།། གོང་མའི་བདེ་ནས་འོག་མའི་ཟླ་དང་བྲལ།། ཐད་ཀ་དུས་ཀྱིས་འགྱུར་ལ་ངེས་ཕྱེ་བས།། རྫོགས་ནས་དེ་ཡིས་དོན་ལས
164a5 ཆེན་པོར་གསལ།། འགྱུ་དང་ཡུལ་ལ་མི་གནས་ཆེན་པོ་ཉིད།། བདེ་བ་འདོད་བྲལ་ནམ་མཁའི་ཡུལ་གནས་པ།། འདི་ནི་རྫོགས་པ་ཆེན་པོའི་རྣལ་འབྱོར་དུ།། སྤྲོས་དང་ཟུག་རྔུ་བྲལ་བའི་ཐིག་ལེ་ལ།། འདི་ནི་གཅིག་ཏུ
164a6 གནས་པས་ཟླ་དང་ཆ་ཤེས་བྲལ།། གཅིག་ཏུ་བསྡོམས་པས་དུ་མཆོད།། འདི་ལ་མིང་གིས་མཐའ་རྣམས་ཟད།། འདི་ནི་ཉག་ལས་གཅིག་ཏུ་དྲིལ།། སྤྲོས་པ་མེད་པའི་བདེ་ཆེན་གནས།། རྩ་ཡི་གནས་ནས་འཕྲ་འགྱུར
iiif viewer powered by OpenSeadragon
