| e-texts navigator |
| Wylie |
162a1 པར་བྱ་བ་མ་ཡིན་ནོ།། དེ་ལྟར་དག་པའི་སྣང་བ་ལ།། བེམས་སྤྱད་ཁམ་དུ་བསླངས་པ་ཡིས།། ས་ཆུ་མེ་རླུང་དག་པར་སྣང་།། དག་པའི་ལུགས་དང་དག་པ་ཡིས།། དག་པའི་ཡུལ་དང་དག་པའི
162a2 དུས།། དག་པའི་ཚད་དང་དག་ལ་གནས།། དེ་ལྟར་བེམས་པོའི་ལམ་དུ་ཡང་།། སུ་ཡི་སློབ་པར་ཤེས་པ་ནི།། བསླངས་པས་ལོང་དང་ལོངས་ལུགས་དང་།། ལེན་པའི་དུས་དང་ལོངས་པའི་ཚད།། བསླངས་པའི་འབྲས
162a3 བུ་སྐྱེ་དང་སྐྱེས།། ངེས་པར་སྐྱེས་པ་རྣམས་ནས་ནི།། ཕྱི་ཡི་སྣང་བ་ཆོས་ཀྱི་སྐུར།། གནས་པ་མཐོང་བར་འགྱུར་བས་ན།། མཐོང་བ་དེ་ལ་གང་གོམས་པ།། སྐུ་གསུམ་རྒྱལ་བའི་ཞིང་ཁམས་མཐོང་།། འདི་ནི་མཐོང་བའི
162a4 ལམ་ལ་གནས།། འབྲེལ་བ་དག་པ་ངེས་ཐོབ་པས།། དངོས་སུ་སྤྱོད་པ་ཉིད་ལས་སོ།། ནང་གི་སེམས་དང་སེམས་ལས་བྱུང་།། སེམས་ཀྱི་སྣང་བ་གཉིས་དག་ལ།། རང་སར་བཞག་དང་རང་གྲོལ་དང་།། རང་བྱུང་རང
162a5 ཤར་རང་གིས་ཡུལ།། རང་གི་རྩེ་ལ་རྩ་བ་བཅད།། རང་གནས་རང་གིས་ཐོབ་པ་ལ།། སེམས་རྒྱན་སྟོངས་དག་མེད་པ་དང་།། འགྲོ་འོང་འབྱུང་འཇུག་ཤེས་པ་ཡིས།། འགྱུ་བ་ཡལ་བའི་བར་ཕྱེ་དང་།། གཟུང་དང་བཏང
162a6 དང་གློད་པས་ཤེས།། སྦྱོར་བ་དང་ཡང་འབྲལ་བ་དང་།། སྟོར་དང་བསྡུ་བའི་གནས་བསྟུན་ནས།། སེམས་ཀྱི་མེ་ལོང་གཟུགས་བརྙན་འདྲ།། སྣང་ཡུལ་གཟུང་བར་མེད་པ་ནི།། ཡེ་ནས་དེ་ལྟར་གནས་པ་ལ།། ཤར་བ
iiif viewer powered by OpenSeadragon
