| e-texts navigator |
| Wylie |
161b1 མི་ཁྱབ།། བསམ་མི་ཁྱབ་པས་བསམ་མེད་ལ།། བྱས་མེད་བྱུང་མེད་འགྲོ་ས་མེད།། ང་མེད་གཞན་མེད་འཁྲུལ་པ་མེད།། མཐོང་དུ་ཡོད་པའི་གཞི་ལ་མཐོང་།། རྒྱུན་ཆད་རྐྱེན་འགག་འབྲས་བུ་ཀླག། འགྲོ་འོང་ལས་ཀྱི
161b2 འཁྲུལ་འཕྲུག་མེད།། དེ་དོན་སེམས་ལ་རང་བཞག་པའོ།། དེ་ལྟར་གསུམ་ཤེས་གཉིས་མེད་ལ།། གཞི་སོགས་གྲངས་ཀྱི་མཐའ་མེད་པས།། གསུམ་ལ་འཁྲུལ་ས་རང་བཞག་པས།། འགྱུར་ཞིང་འཕྲུག་པ་མེད་པར
161b3 བསྡམས།། འཁྲུལ་དུ་མེད་པས་གཅིག་ཤེས་ལ།། གཉིས་སུ་འཛིན་པ་མི་སྲིད་པས།། འཁྲུལ་ཞེས་འཁྲུལ་པའི་སྟེང་བཞག་པས།། བྱ་བྱེད་ཐམས་ཅད་རྒྱུན་ཆད་དོ།། སེམས་དཔའ་ཡིས་ནི་ཡང་གསོལ་པ།། འཁོར་བའི
161b4 སྙིང་པོ་དེ་ལྟར་ན།། རང་བཞིན་ཇི་ལྟར་རྣམ་པར་དག། འདི་ཉིད་སྟོན་པས་ཡང་གསུངས་ཤིག། དེ་ནས་རྡོ་རྗེ་འཆང་བ་ཡིས།། རང་བཞིན་གནས་པའི་ཚིག་འདི་གསུངས།། གསང་བདག་སེམས་དཔའ་ཡང་ཉོན
161b5 ཅིག། འདི་ལྟར་སྣང་དང་སྟོང་པ་ཡིས།། བསྡུས་པའི་ཆོས་རྣམས་ཇི་ཙམ་པ།། རང་བཞིན་གྱིས་ནི་རྣམ་པར་དག། འབད་རྩོལ་དྲི་མ་ལས་འདས་པས།། སྤྱོད་བྲལ་སྒོམ་དག་ལྟ་ཡུལ་སྟོངས།། མ་བྱས་རང་གིས་སར
161b6 བཞག་པས།། དེ་དག་རང་དག་བཞག་ཡས་དག། རྒྱུ་དག་རྐྱེན་དག་འབྲས་བུ་དག། ཆོས་དག་སེམས་དག་འཁྲུལ་པ་དག། དངོས་དག་ཡུལ་དག་འགྱུ་འབྲེལ་དག། དག་ནས་སེམས་ཀྱི་སྣང་དག་པས།། དེ་རང་གཅད
iiif viewer powered by OpenSeadragon
