| e-texts navigator |
| Wylie |
160b1 མ་ཡེངས་ན།། སེམས་འདུས་རྟོག་པ་ཁྲེགས་ཀྱིས་ཆོད།། དྲན་པ་འདུས་པའི་ཕུང་པོ་གང་།། དེ་ཉིད་གང་བྱུང་སར་བཞག་ན།། སྡུག་བསྔལ་འདུས་པའི་ཕུང་པོ་བཞིག། སླར་ལ་བསླང་བའི་ས་མེད་པ།། ཡང་ནི་མིག
160b2 གིས་གཟུགས་ཤེས་ན།། སྟོང་པའི་ཆོས་འདི་ས་ལོངས་སྤྱོད།། དེ་ལྟར་འདོད་ཡོན་བརླབས་བཅད་ནས།། རྫོགས་པས་འདི་ལས་བཤད་དུ་མེད།། སྒྲ་མེད་བསམ་པའི་གཞི་ཟད་པས།། དུས་གསུམ་འབྲལ་བ་མེད་པ
160b3 ཡི།། གྲོགས་འདི་གཞན་དང་མཉམ་པ་མིན།། གོང་ན་མེད་པའི་སྒྲ་དང་དྲི།། རོ་དང་རེག་པའི་དངོས་པོ་སྟོར།། རྙེད་པའི་མཆོག་སྟེ་དགོས་འདོད་ཕྲད།། འདི་ནི་ཆོས་མེད་སེམས་ཟད་པས།། སེམས་འདུས་ཡིད
160b4 ཀྱིས་སྤྱོད་པ་ལས།། འདི་ནི་ཅུང་ཟད་ཙམ་ཐལ་ལོ།། རྒྱལ་བས་འཕམ་པའི་ལམ་གསལ་ནས།། བྱས་ནས་བྱུང་བ་དུམ་བུར་ཆོད།། འདིས་ནི་འཁོར་བའི་མཐའ་མ་ཆོད།། དེ་ཆོད་ཡུལ་ལ་ཕར་སྤྱོད་པས།། སྦྱང་བྱ་སྦྱོང
160b5 བའི་གཞི་མེད་པས།། ཐེག་པ་རྣམས་ལས་དྲིས་པ་མེད།། འདི་ནི་རིང་ཐུང་མདོ་འདུས་ཏེ།། སེམས་ཀྱི་ཡུལ་དེ་བཙལ་བས་ནི།། སྡུག་བསྔལ་རྣམས་ཀྱི་རྩ་བ་ཆོད།། ཁྱབ་མ་ཡིན་དུས་མཚུངས་པས།། འཁྲུལ་གཞི་དག
160b6 པའི་མེ་ལོང་མཐོང་།། དེ་མཐོང་སྡེ་སྣོད་ཆོས་རྣམས་ཤེས།། ལོ་རྒྱུས་ཆེན་པོ་རྨད་བྱུང་བས།། མ་བྱས་ཐོས་བསམ་གཞི་ལ་རྫོགས།། སྒྲིབ་བྲལ་བདེ་བའི་ལུས་ཐོབ་ནས།། འཇིག་པ་བརྒྱད་ལས་འཇིགས་མེད
iiif viewer powered by OpenSeadragon
