| e-texts navigator |
| Wylie |
160a1 ཆོད།། བདེ་སྡུག་སྙོམས་པའི་དགའ་བདེ་ཡིས།། འདོད་པ་དག་པས་རང་འདོད་ཐོབ།། དེ་ལ་གང་གིས་བརྙས་པ་མེད།། འདི་ནི་དེ་ལ་ཁྱབ་བྱས་པའོ།། སེམས་ཀྱི་བྱུང་བའི་ས་མེད་པས།། བར་དོ་འགྲོ
160a2 བའི་ལམ་འགག་པ།། ཐ་མ་རྟོགས་ཚོགས་འབྲས་བུ་སྟོར།། རྙེད་པ་མེད་པའི་དབྱིངས་སུ་ཐིམ།། དེ་ལ་བཙལ་བས་རྙེད་མི་འགྱུར།། མ་རྙེད་ཆོས་ལ་བརྗོད་པ་ཆད།། དེས་ནི་བྱང་ཆུབ་མྱུ་གུ་བཅད།། གཅད་བྱའི་ཡུལ
160a3 དང་ཤེས་བྱེད་མཐའ།། གཉིས་འཛིན་བྲལ་བའི་ངང་དུ་ཆོད།། དེ་ཡི་འབྲེལ་པ་ཟད་པས་སྟོངས།། སྟོངས་པའི་ཆོས་ལ་བཅད་གཞི་ཡས།། ཡས་པ་འདི་ལ་སུས་དྲིས་པས།། སངས་རྒྱས་འབུམ་ཕྲག་གྲངས་མེད
160a4 པའི།། ཞལ་མཐོང་འདི་དང་གཉིས་སུ་མེད།། བྱས་མེད་སྣང་བའི་རྩལ་ཆོད་པས།། དེ་ནི་སྤྱད་བྱའི་རྟོགས་པ་འགགས།། དེ་ནི་མི་འགྱུར་ལམ་ཟིན་པས།། སངས་རྒྱས་རྣམས་ཀྱིས་མ་བྱས་པའོ།། ཡང་ཉོན་སེམས
160a5 དཔའ་ཆེན་པོ་ཁྱོད།། དེ་ལ་ངེས་པ་མ་ཐོབ་ན།། ཕྱི་ནང་འདུས་པའི་སྣང་བ་ལ།། རང་དབང་བྱས་ལ་ཕྱོགས་གནད་བསྒྱུར།། འདི་ལྟར་བྱས་པས་སྤྱོད་པ་ནི།། སེང་གེ་བུ་བཞག་ལྟ་བུ་ལ།། ཕྱོགས་དང་འཛིན་པ་མེད
160a6 པར་རྒྱུ།། འདི་ལ་ལས་དང་བག་ཆགས་ཀྱིས།། ཉོན་མོངས་འགྱུ་བའི་རྟ་ཆད་ནས།། འགྲོ་དང་འོང་བའི་ལམ་དང་བྲལ།། བེམ་པོ་འདུབ་པའི་གཟུགས་རྣམས་ལ།། བླང་བར་བྱ་སྟེ་བཞག་པར་མིན།། དེ་ལ་སེམས་ཀྱིས
iiif viewer powered by OpenSeadragon
