| e-texts navigator |
| Wylie |
15b1 རང་བྱུང་གི་རྒྱན་བཅོ་བརྒྱད་ཀྱིས་བཀྲོལ་ནས།། དགའ་རབ་རྡོ་རྗེ་ལ་བཞག་པའོ།། སངས་རྒྱས་མྱ་ངན་ལས་འདས་པའི་མདོ་ལུང་བམ་པོ་གསུམ་པ།། སྙིང་པོ་བྱང་ཆུབ་མཆོག་གི་ཕྱག་རྒྱ་ཅན་ཅེས་བྱ་བ་ལས། བམ
15b2 པོ་ཐ་མ་ལུང་གིས་ཡིད་ཆེས་པར་བསྟན་པ་རྫོགས་སོ།། ང་ཡིས་བསྟན་པའི་གསང་གཏེར་འདི།། གཏིང་དཔག་མེད་པའི་རྒྱ་མཚོ་ནས།། སྲིད་པ་གསུམ་གྱི་རྩེ་མོ་རུ།། ནུབ་པ་མེད་པའི་གཏེར་དུ་བསྟན།། ཅེས་རྡོ་རྗེ
15b3 སེམས་དཔའ་ཐུགས་ཀྱི་ཀློང་བརྟོལ་ནས།། དགའ་རབ་རྡོ་རྗེ་ཁྱོད་ལ་གཏད།། སྐྱེ་ཤིས་འཇིག་པའི་སེམས་ཅན་ལ།། རྡོ་རྗེ་བཅུས་ཁྲག་ཐོན་ལ་གཏད།། དེ་མིན་པར་ནི་གསང་བར་གསུངས།། ཞེས་གཏད་རྒྱའོ།། །
15b4 རྒྱ་གར་སྐད་དུ། ཨ་རྱ་མ་ཧཱ་གུ་ཧྱ་པྲ་སྭ་ར་ནཱ་མ་སཱུ་ཏྲ། བོད་སྐད་དུ། འཕགས་པ་གསང་སྔགས་ཆེན་པོ་བསམ་གྱིས་མི་ཁྱབ་པའི་མདོ་ཞེས་བྱ་བ། བཅོམ་ལྡན་འདས་ཏིང་ངེ་འཛིན་གྱི་རྒྱལ་པོ་ལ་ཕྱག་འཚལ་ལོ།། འདི
15b5 སྐད་བདག་གིས་ཐོས་པའི་དུས་གཅིག་ན།། ཀུ་ཤའི་འདུ་ཁང་ན།། བཅོམ་ལྡན་འདས་བསྐྱེད་པ་སེང་གེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ཏེ། འཁོར་རྣམས་ལ་འདི་སྐད་ཅེས་གསུངས་སོ།། ཀྱེ་མ་བྱང་ཆུབ
15b6 འདོད་ན་སྡིག་པའི་ལས་རྣམས་ཆེར་སྤྱོད་དེ་དོན་བློ་ལ་བཞག། གང་ཡང་སྙིང་རྗེར་མི་གཟུང་སུ་ཡང་སྙིང་མནོ་དེ་ནི་གང་ཡང་མེད། ཅེས་ཏེ་སྲོག་མེད་སྲོག་བཅད་སྡིག་ཏུ་འགྲོ་ན་ཡེ་ནས་ཆད་པ་སུ་ལ་སྡིག་སྙིང
iiif viewer powered by OpenSeadragon
