| e-texts navigator |
| Wylie |
159a1 བདུན་པའོ།། །། དེ་ནས་འཁོར་ཚོགས་དཔག་མེད་པས།། སྟོན་པ་ལ་ནི་རབ་ཏུ་བསྟོད།། མཛོད་ཆེན་དྲུག་གི་དགོངས་པ་ནི།། མཛོད་དང་བརྡ་སྒྲངས་རྒྱུད་བསྐོར།། རྩ་རྒྱུད་གསང་བའི
159a2 འཁོར་ལོ་དང་།། ཐུགས་རྗེ་ཆོས་དང་བཤད་རྒྱུད་རྣམས།། གཅིག་ཤེས་ཀུན་གྲོལ་མཛོད་དུ་ཐིམ།། ཁྱབ་བདག་ཁྱོད་ལ་ཕྱག་འཚལ་བསྟོད།། ཅེས་བྱས་ནས་སྟོན་འཁོར་ཆོས་ཉིད་དུ་ཐིམ་མོ།། སེམས་ཕྱོགས་ཆེན་པོ
159a3 ནམ་མཁའ་མཛོད་ཀྱི་རྒྱུད། ཡེ་ཤེས་ནམ་མཁའ་ལས། རྗེས་སུ་ཡི་རང་བའི་ལེའུ་སྟེ་བརྒྱད་པའོ།། ཡེ་ཤེས་ནམ་མཁའ་མཛོད་ཀྱི་རྒྱུད་རྫོགས་སོ།། རྒྱ་གར་གྱི་པཎྜི་ཏ་བི་མ་ལ་མི་ཏྲ་དང་། ལོ་ཙཱ་བ་གཉིགས་ཛྙཱ་ན་ཀུ་མཱ
159a4 ར་དང་། ཀ་ཅོག་གིས་བསྐུར་བའོ།། །། @#།། རྒྱ་གར་སྐད་དུ། ས་མ་པཱ་ཏ་ན་མ། བོད་སྐད་དུ། ཁྲེགས་གཅོད་བདུན་པ་ཞེས་བྱ་བ། བཅོམ་ལྡན་འདས་མཐའ་བཞི་རང
159a5 གྲོལ་བའི་མགོན་པོ་རྫོགས་སངས་རྒྱས་པའི་བླ་མ་ལ་ཕྱག་འཚལ་ལོ།། དེ་ནས་སྟོན་པ་རྡོ་རྗེ་འཆང་།། ཕྱོགས་བཅུ་འཇིག་རྟེན་རབ་འབྱམས་སུ།། ཞལ་གྱི་དཀྱིལ་འཁོར་གསལ་བྱས་པས།། ལྗགས་ཀྱི་དབང་པོའི་རྩེ་མོ
159a6 ལ།། འོད་ཟེར་བརྒྱ་ཕྲག་དུ་མ་འཕྲོས།། འོད་ཀྱི་ཟེར་ལས་སངས་རྒྱས་ནི།། ཉིད་དང་འདྲ་བའི་གཙོ་འཁོར་ནི།། སྟོང་ཕྲག་བརྗོད་ཀྱིས་མི་ལང་བ།། དུ་མ་འཕྲོས་པས་སེམས་ཅན་གྱིས།། དོན་བྱས་ཉིད་ཀྱི་ཐུགས་ཀར
iiif viewer powered by OpenSeadragon
